दुलेगौंडा । विद्यालयमा किताबका पान्ना पल्टाएर मात्रै सिकाइ पूर्ण हुदैन । विद्यार्थीका रुचिका विषयहरु पत्ता लगाई उनिहरुको भविष्यसंग जोड्न सकियो भने शिक्षाको वास्तविक उद्देश्य प्राप्त गर्न सकिन्छ ।
शनिबार टिच फर नेपाल र जनकल्याण माध्यमिक विद्यालयले सिकाइलाई रोजगार संग जोड्न जीवन शिक्षा मेला आयोजना गरेको छ । विद्यार्थीलाई पेशा तथा व्यवसायसंग जानकारी गराउनुका साथै उनीहरुले भविष्यमा जीविकोपार्जनका लागि अंगाल्ने पेशा व्यवसायका बारेमा जानकारी गराउने उद्देश्यका साथ कार्यक्रम आयोजना गरिएको विद्यालयका प्रधानाध्यापक दिपक विश्वकर्माले बताए ।
सिकेका कुरालाई व्यवहारमा उर्तान सके मात्रै सिकाइ पूर्ण हुने शुक्लागण्डकी नगरपालिका–५ का वडाध्यक्ष दीर्घबहादुर थापाले बताए । त्यसैले विगतमा जनकल्याणमा नै पढेर पेशा एवम् व्यवसायमा सफलतापूर्वक अगाडी बढेका पेशाकर्मी तथा व्यवसायीहरुलाई बोलाएर विद्यार्थीसंग साक्षत्कार गरिएको वडाध्यक्ष थापाको भनाई छ ।
व्यवसायमा सफलता हासिल गरेका व्यक्तिको अनुभवबाट सिकाइलाई व्यवहारमा रुपमान्तरण गर्न सजिलो हुने हुदाँ जीवन सिकाई मेला कार्यक्रम गरिएको टिच फर नेपालका फेलो अंकित भट्टराईले बताए ।
कार्यक्रममा ईन्जिनियर, डक्टर, निजामति कर्मचारी, प्रहरी, बैङ्कर, समाजसेवी, शिक्षक, राजनीतिज्ञ, कृषक, खेलाडी लगायतका व्यक्तिको उपस्थितीमा जनकल्याण लगायत अन्य विद्यालयका विद्यार्थीहरुको उपस्थिती रहेको थियो ।
