दुलेगौंडा । लायन्स क्लब अफ शुक्लागण्डकी टाउनले आयाेजना गरेको माध्यमिक विद्यालय स्तरीय हाजिरीजवाफ प्रतियोगितामा लिटल गार्डेन इङलिस बाेर्डिङ्ग स्कुल प्रथम भएको छ । प्रतियोगितामा सहभागी १८ विद्यालयलाई पछि पार्दै लिटल गार्डेन प्रथम भएको हाे । जितसंगै लिटल गार्डेनले नगद ४ हजार ५ सय साथमा शिल्ड र प्रमाणपत्र प्राप्त गरेको छ ।
यसैगरी प्रतियोगितामा छब्दी माध्यमिक विद्यालय द्धितीय, आधारभूत माध्यमिक विद्यालय तृतीय र पञ्चमुनिदेव माध्यमिक विद्यालय सान्त्वना भएको छ । प्रतियोगिता द्धितीय, तृतीय र सान्त्वना हुनेले नगद ३ हजार, १५ सय र ५ सय साथमा प्रमाणपत्र र शिल्ड प्राप्त गरेको छ ।
विद्यार्थीमा किताबी ज्ञान साथै समसामयिक तथा सामान्य ज्ञान वृद्धि गराउने हेतुले प्रतियोगिता आयाेजना गरिएको क्लबका अध्यक्ष देविभक्त रानाले बताए ।
क्लबका अध्यक्ष रानाको सभापतित्वमा सम्पन्न कार्यक्रममा शिक्षा, युवा तथा खेलकुद शाखाका अध्यक्ष नवराज चापागाईं, क्लबका पूर्व अध्यक्ष, लायन्सका विशिष्ट ओहाेदामा रहेका व्यक्तिहरूकाे सहभागीता रहेको थियाे ।
