दुलेगौँडा । टोल स्तरीय दोस्रो तीज कप रनिङ्ग शिल्ड प्रतियोगिताको उपाधि शिव टाेल विकास संस्थाले हात पारेको छ ।
शुक्लागण्डकी नगरपालिका-८ ले आयाेजना गरेको प्रतियोगितामा २ स्वर्ण सहित ६ अङ्क प्राप्त गर्दै शिव टाेलले उपाधि हासिल गरेको हाे । गतवर्षकाे विजेता टाेलले यस वर्षा पनि उपाधि आफ्नो पक्षमा पार्न सफल भएको छ ।
यसैगरी रनिङ शिल्ड प्रतियोगितामा मिलन टोल विकास सस्था र संगम टोल विकास सस्था समान १ स्वर्ण र १ रजत सहित ५/५ अङ्क प्राप्त गर्दै द्धितीय भएको छ भने
गणेश टोल विकास सस्थाले १ स्वर्ण र १ कास्य पदक सहित ४ अङ्क जाेड्दै तृतीय भएको छ ।
प्रतियोगितामा प्रथम हुने शिव टाेलले २० हजार र रनिङ शिल्डकाे उपाधि हात पारेको छ । यसैगरी द्धितीय हुने मिलन टाेल र संगम टाेलले १५/१५ हजार र तृतीय हुने गणेश टाेलले १० हजार साथमा शिल्ड र प्रमाण पत्र प्राप्त गरेको छ ।
वडा कार्यालयमा पुरस्कार विवरण गर्दै वडाध्यक्ष नारायणसिं थापाले लगातार तेस्रो पटक प्रथम हुन सके शिल्ड टोल विकास सस्थाकै नाममा रहने र थप नगद ५० हजार पुरस्कार समेत पाउने बताए ।
