दुलेगौंडा । तनहुँ कलाकार संघले जिल्लाव्यापी खुला तीजगीत प्रतियोगिता आयाेजना गर्ने भएको छ । संघले शनिबार शुक्लागण्डकी एफ.एमकाे हलमा पत्रकार सम्मेलन गरि प्रतियोगिता हुने जानकारी गराइएको हाे ।
हराउदै गएको माैलिक तीजगीतकाे संरक्षण गर्न उद्देश्यले तनहुँ जिल्लाव्यापी खुला तीजगीत प्रतियोगिता आयाेजना गरिएको संघका अध्यक्ष कृष्णप्रसाद गाैतमले जानकारी दिए । प्रतियोगिता भदाै १५ गते भिमाद रंगशालामा हुने आयाेजकले जनाएको छ ।
तीजगीत प्रतियोगितामा प्रथम हुनेले नगद १५ हजार, द्धितीय हुनेले १० हजार, तृतीय हुनेले ५ हजार र सान्त्वना हुनेले नगद ३ हजार साथमा प्रमाणपत्र प्राप्त गर्ने छ ।
