दुलेगौंडा । लायन्स क्लब अफ शुक्लागण्डकीले आयोजना गरेको रक्तदान कार्यक्रममा ३१३ पिन्ट रगत संकलन भएको छ । याे संगै नेपालभित्र रहेका विभिन्न लायन्स क्लबमध्य लायन्स क्लब अफ शुक्लागण्डकीले सबैभन्दा धेरै रगत संकलन गर्ने क्लबकाे रूपमा रेकर्ड राखेको छ ।
लायन्सले बार्षिक कार्यक्रम अन्र्तगत रहेर रक्तदान कार्यक्रम गरिएको क्लबका अध्यक्ष विजयकुमार अर्यालले बताए ।
पछिल्लो समय रक्तदान गर्न चाहानेको संख्यामा वृद्धि भएको प्रादेशिक रक्तसञ्चार केन्द्र पोखराका वरिष्ट प्राविधिक महेन्द्र केसीले जानकारी दिए । साथै आज भएको रक्तदान कार्यक्रममा पहिलो पटक रक्तदान गर्ने मानिसहरुको संख्या बढी रहेको बताए ।
रक्तदान कार्यक्रममा जनप्रतिनिधि, समाजसेवी, व्यापारी, प्रहरी, विद्यार्थी लगायत आम सर्वसाधारण नागरिकले रक्तदान गरेका थिए ।
