दुलेगौंडा । सामाजिक कार्यमा सक्रिय रहेको लायन्स क्लब अफ शुक्लागण्डकीले नगरकाे वडा नम्बर २ हलेदीमा रहेको सहिद स्मृति पार्कमा वृक्षारोपण गरेको छ ।
कार्यक्रममा बाेल्दै शुक्लागण्डकी नगरपालिका-२ का वडाध्यक्ष सुमनबहादुर राना मगरले पार्ककाे साैन्दर्य वृद्धि गर्न लायन्सकाे महत्त्वपूर्ण याेगदान गरेको बताए ।
क्लबकाे बार्षिक कार्यक्रम अन्तर्गत रहेर वृक्षारोपण कार्यक्रम गरिएको क्लबका सह सचिव रमेश विकले जानकारी दिए ।
पार्कमा यसपटक फलफूलका बिरुवा राेपिएकाे क्लबका अध्यक्ष विजय अर्यालले बताए । उनका अनुसार पार्कमा एबाेगाडाे, लिचि, अमलाका करिब २५ बिरुवा लगाउनुका साथै यसअघि राेपिएका विरूवाकाे गाेडमेल गरिएको हाे ।
क्लबका अध्यक्ष अर्यालकाे सभापतित्वमा सम्पन्न कार्यक्रममा लायन्सकाे डिपार्टमेन्ट हेड बरदान क्षेत्री, संस्थापक अध्यक्ष तिर्थराज खनाल, शुक्लागण्डकी-६ का वडाध्यक्ष बुद्धिबहादुर थापा, रिजन चेयर पर्सन सुमन सापकोटा, जाेन चेयर पर्सन शिव पाैडेल, पार्कका अध्यक्ष विश्वजित खनाल लगायतको उपस्थिति रहेको थियाे ।
