दुलेगाैडा । शुक्लागण्डकी नगरपालिका वडा नं. ९ मा अवस्थित तालवेसि माध्यमिक विद्यालयमा अध्ययनरत विद्याथीहरुको स्वास्थ्य परिक्षण गरिने भएको छ । विद्यालयमा एक अन्तक्रिया कार्यक्रमको आयोजना गरि स्वास्थ्य परिक्षण गरि उनिहरुलाई रक्त समुह पहिचान प्रमाण पत्र समेत वितरण गर्न लागेको विद्यालयका प्रधानाध्यापक ध्रुब वाग्लेले बताए ।
उक्त कार्यक्रमका लागि तयारी स्वरुप वसेकाे वैठकमा वाेल्दै विद्यालय व्यवस्थापन समितिका सदस्य युवराज पराजुलीले मानवता नै ठूलो धर्म भएको वताए । विद्यार्थीहरुले सहयोग, सहकार्य र मानवता जस्ता मानवीय गुणहरुका बारेमा बुझेर अध्ययनको साथ साथै मानवीय कार्यमा समेत लाग्नुपर्ने बताए ।
सानो उमेरका विद्यार्थीहरुको विशेषत नाक, कान र घाटीमा समस्या आई दिर्घकालिन रुपमा अपांगता समेत निम्तनसक्ने भन्दै विद्यालयका अतिरिक्त क्रियाकलाप संयोजक शिक्षक दामोदर रेग्मीले स्वास्थ्य परिक्षण गरि समस्याको बारेमा बुझ्ने र स्वास्थ्य समस्या आईपरेका बालबालिकाहरुलाई निरन्तर चिकित्सकसंग परामर्शमा राखिने समेत जानकारी दिए । विद्यार्थीहरुको स्वास्थ्य ठूलो धन भएको बताउँदै विद्यालयका शिक्षक सुवास चापागाईले विद्यार्थीहरुकै सक्रियतामा स्वास्थ्य सिविर गर्न लागेको बताए । उनले विद्यालयमा पछिल्लो पटक गर्मि बढेपछि दिनहुँ विद्यार्थीहरु विरामी भएको हुँदा स्वास्थ्य सिविर पश्चात विद्यालयमा स्वास्थ्य उपचार कक्ष समेत स्थापना गरि सञ्चालन गरिने बताए । शुक्लागण्डकी नगरपालिका साँखेमा अवस्थित ढोर फूलबारी सहिद अस्पतालको प्राविधिक सहयोगमा तालवेशि मा.वि.जुनीयर रेडक्रस सर्कल एवम् तालवेशी मा.वि. पढ्नका लागि कोठा बालिका शिक्षा कार्यक्रमको आयोजनामा स्वास्थ्य सिविर आयोेजना गर्न लागिएको विद्यालयका नायक अंकित थापाले बताए ।
“विद्यार्थीहरुको पढाईलाई बाधा नहुने गरि स्वास्थ्य सिविरको आयोजना गरिने छ” विद्यालयकी सह नायक युविका राउतले बताईन् । उनले भनिन् “स्वास्थ्य टिमले एउटा कक्षाको परिक्षण गर्दा अन्य कक्षा नियमित सञ्चालन हुन्छ जसले गर्दा विद्यार्थीहरुको पठनपाठनमा कुनै पनि वाधा हुुँदैन”। प्रत्येक कक्षाका नायक , सहनायक सहित विद्यालयको जुनियर रेडक्रस सर्कलका विद्यार्थीहरुको उपस्थिति रहेको उक्त कार्यक्रममा रेडक्रसका सिद्धान्तका बारेमा शिक्षक नायक देव ब. श्रेष्ठले प्रस्तुतीकरण गर्नुभएको थियो भने विद्यार्थीहरुलाई समन्वय पढ्नका लागि कोठा, बालिका शिक्षा कार्यक्रमकी सामाजिक परिचालक नर्वदा ढकालले गरेकी थिइन् ।
