दुलेगौंडा । सामाजिक कार्यमा सक्रिय रहेको लियो क्लब अफ खैरेनिटार दुलेगौंडा मन्त्रले शुक्लागण्डकी नगरपालिका–११ मा रहेको सरस्वती आधारभूत विद्यालयमा अध्ययनरत विद्यार्थीलाई शैक्षिक सामग्री साथमा विद्यालय झोला वितरण गरेको छ ।
नयाँ शैक्षिक शत्र सुरु हुदै गर्दै विद्यार्थीलाई आवश्यक शैक्षिक सामग्री साथै विद्यालय झोला वितरण गरिएको क्लबका अध्यक्ष निरञ्जन श्रेष्ठले बताए । ‘नयाँ शैक्षिक शत्र सुरु भईसकेको छ । पढ्का लागि आवश्यक पर्ने शैक्षिक सामग्री विद्यार्थीको हातमा पर्दा विद्यार्थीहरु पढ्नका लागि उत्साहित हुने गर्दछन् । त्यसैले हामीले क्लबको बार्षिक कार्य तालिका अनुसार यस कार्यक्रम गरेका हौंं’ उनले भने ।
क्लबले विद्यायमा अध्ययनरत २१ जना विद्यार्थीलाई उक्त सामग्री हस्तान्तरण गरेको हो । श्रेष्ठको सभापतित्वमा सम्पन्न कार्यक्रममा विद्यालयका व्यवस्थापन समिति अध्यक्ष रामप्रसाद सिग्देल, क्लब पूर्व अध्यक्ष प्रज्वल गुरुङ लगायतको उपस्थिती रहेको थियो ।
