दुलेगौंडा । शुक्लागण्डकी नगरपालिकाको नगर सभाको १४ औ अधिबेशन सोमबार नगर सभा हलमा सम्पन्न भएको छ ।
नगर सभामा बिभिन्न बिषयगत समितिका संयोजकहरुले प्रतिबेदन पेश गरेका थिए । प्रतिवेदनका सम्बन्धमा नगर सभा सदस्यहरुले आफ्नो भनाई राखेका थिए । सुझाब राख्दै नगर सभा सदस्यहरुले नगरले सेवा प्रवाह लगाएत अन्य योजनाबद्ध बिकासको सम्बन्धमा थप ध्यान दिनु पर्ने बताए । उहिहरुले नागरिकले अनुभूति गर्ने गरी नगरपालिकाले बिकासका कार्यक्रम ल्याउनु पर्ने भन्दै कृषि क्षेत्रको बिकासमा जोड दिनु पर्ने समेत बताए । नगर सभाले केहि संशोधन प्रस्ताब पारीत गरेको छ ।
आर्थिक बर्ष २०८०/८१ मा १६ करोड आन्तरीक राजस्व संकलन गर्ने लक्ष्य राखेको शुक्लागण्डकी नगरपालिकाले ६ महिनासम्मको समयावधिमा २५.३१ प्रतिशत मात्रै आन्तिरीक राजस्व संकलन गरेको छ । अर्थात ४ कराेड ५० लाख ७८२ रुपौंया मात्रै राजस्व संकलन गरेको छ ।
नगरपालिकाकाे नगर सभा एवम् १६ ओैं अधिवेशनमा बाेल्दै नगर उपप्रमुख खुमबहादुर विक राजुले यहि अवस्था रहेमा आन्तरिक राजस्व संकलनकाे लक्ष्य हासिल गर्न नगर चुक्ने बताए ।
शुक्लागण्डकी नगरपालिकाले आर्थिक बर्ष ८०/८१ मा ४०१ वटा याेजना तय गरे पनि ६ महिनासम्म २८ वटा याेजना सम्पन्न भई भुक्तानी भएको छ भने २४३ वटा याेजना सम्झैता भएका छन् । अझै १३० वटम याेजना सम्झौता हुन बाँकी छ । हालसम्म ७% मात्रै याेजनाकाे भुक्तानी हुन सकेकाे उपप्रमुख बिकले बताए ।
नगर प्रमुख कृष्णराज पण्डितले नगर सभामा सदस्यहरुले उठाएका बिषयहरुको बारेमा आफुले अध्ययन गरेर सुधार गर्नु पक्षलाई तत्काल सुधार गरी अगाडी बढ्ने बताए ।
