खैरेनीटार । शुक्लागण्डकी नगरपालिका–७ मा भएको प्रथम ओपन वडाध्यक्ष कप, सेभेन ए साईड नकआउट फुटबल प्रतियोगिताको उपाधिका लागि आज आयोजक रक गार्डेन युवा क्लब र लिभिक कन्ट्रक्सन आमनेसामने हुदै छन् ।
शुक्रबार भएको सेमिफाईनल खेलमा आयोजकले जागृती युवा क्लबलाई ३–१ गोल अन्तरले पराजित गर्दै फाईनलमा पुगेको थियो भने लिभिक कन्ट्रक्सन (ए) ले लिभिक कन्ट्रक्सन (बि) लाई ३–२ गोल अन्तरले पराजित गर्दै फाईनलमा पुगेको हो ।
फाईनल खेल आज दिउसो १ः३० मा स्याउलीबजार खेलमैदानमा हुने क्लबका अध्यक्ष पोषन पुनले बताए । उनका अनुसार प्रतियोगितामा विजेता टोलीले नगद ५० हजार र उपविजेताले नगद ४० हजार साथमा शिल्ड मेडल र प्रमाण पत्र प्राूप्त गर्ने छन् । प्रतियोगितमा विजेता टिमलाई नगरपालिकाका मेयर कृष्णराज पण्डित र वडाध्यक्ष खड्क सिं थापाले पुरस्कार वितरण गर्ने छन् ।
