दुलेगौंडा । निर्वाहमुखी खेतीलाई त्यागेर व्यवसायीक खेती गर्नतर्फ अग्रसर बनाउन शुक्लागण्डकी क्षेत्र भित्रका कृषकसंग अन्तरक्रिया गरिए छ । युवा संग उपप्रमुख कार्यक्रम अन्तर्गत रहेर कृष्मी बहुउद्देश्यीय सहकारी संस्थाले उक्त अन्तरक्रिया कार्यक्रम आयाेजना गरेको हाे ।
सामुहिक खेती गरि बजारीकरण गर्ने लक्ष्यका साथ अन्तरक्रिया कार्यक्रम गरिएको कृष्मी बहुउद्देश्यीय सहकारी संस्थाका अध्यक्ष मनराज गुरूङले बताए । जरेबाली र काेसेबाली लामाे समयसम्म राखेर बेच्न सकिने, प्यकिङ्ग गरेर बजारीकरण गर्न मिल्ने हुदाँ जरेबाली र काेसेबालीकाे व्यवसायीक खेती तर्फ प्राेत्साहन गर्न कृषकसंग अन्तरक्रिया गरिएको उनकाे भनाइ छ ।
कार्यक्रममा बाेल्दै शुक्लागण्डकी नगरपालिका मेयर कृष्णराज पण्डितले कृषिमा आधुनिकिकरणाकाे सुरूवात यही कार्यक्रमबाट गर्ने बताए । साथै उनले कृषिककाे उत्पादन र बजारीकरणकाे जिम्मेवारी सहकारीको समन्वय नगरपालिकाले नै लिने बताए । `जसरी मलेखु, मुग्लीनमा मान्छे बसबाट ओर्लेर कृषि उपज बस्तु किन्ने गर्दछन् त्यसरी नै खैरेनी, दुलेगौंडा जस्ता क्षेत्रमा पनि त्यस्तै वातावरण बनाएर बजारीकरणमा टेवा पुर्याउछाै । तपाईंहरू उत्पादनमा ध्यान दिनुहाेस्´उनले भने ।
कार्यक्रम नगर भित्रका ११९ जना कृषकको सहभागीता रहेको थियाे । अन्तरक्रिया कार्यक्रममा बाैदीकाली गाउँपालिका नवलपुरका उपाध्यक्ष डिलकुमार सारू, कृषि कृषि ज्ञान केन्द्र तनहुँका प्रमुख गाेपाल प्रसाद लामिछाने, राष्ट्रिय कृषि सैनिक अभियान्ता विष्णु भट्टले कृषकसंग अन्तरक्रिया गरेका थिए । उनिहरूले जरेबाली अदुवा, बेसार, पिँडालु, तरूल र काेसेबाली मास मस्याङ्ग, बाेडी, सिमी, गिठ्ठा जस्ता कृषिजन्य उपभाेग्य वस्तुकाे व्यवसायीक खेतीकाे सम्भावना र चुनाैति बारेमा अन्तरक्रिया गरिएको थियाे ।
