दुलेगौंडा । सामाजिक कार्यक्रमा सक्रिय रहेको लायन्स क्लब अफ दुलेगौंडा खैरेनी सिटी र लियो क्लब अफ दुलेगौंडा खैरेनी सिटिले विद्यार्थीलाई खुसीको उपहार स्वरुप शैक्षिक सामग्री र न्यानो कपडा हस्तान्तरण गरेको छ । क्लबले बार्षिक कार्यक्रम अन्र्तगत रहेर शहिदकृष्ण माध्यमिक विद्यालयका १६९ जना विद्यार्थीलाई न्यानो कपडाको साथमा शैक्षिक सामग्री हस्तान्तरण गरेको हो ।
लायन्स सधै सेवामा तत्पर रहने संस्था हरेको बताउदै विद्यार्थीलाई नियमित विद्यालय आउने वातावरण बनाउन उक्त सामग्री हस्तान्तरण गरेको क्लबका अध्यक्ष शिव पौडेलले बताए । साथै शहिदकृष्णलाई आफुले नजिकबाट निहाल्न पाएको हुदाँ हरेक बर्ष बार्षिकोत्सवको अवसरमा सहयोग गर्दै आईरहेको पनि बताए ।
शुक्लागण्डकी नगरपालिका–३ का वडाध्यक्ष सचिन भुजेलले लियो र लायन्सले विद्यार्थीको शैक्षिक गुणस्तरतामा वृद्धि गर्न उत्कृष्ट भुमिका निर्वाह गरेको बताए । यस विद्यालयमा करिब ७० प्रतिशत विपन्न परिवारका बालबालिका अध्ययन गर्ने हुदाँ उनिहरुलाई नियमित विद्यालय आउने वातावरण सिर्जना गर्न शैक्षिक सामग्री तथा न्यानो कपडा वितरण कार्यक्रमले सहयोग पु¥याउने बताए ।
विद्यालय व्यवस्थापन समितिका अध्यक्ष परशुराम भण्डारीले विद्यालयमा अधिकांश परिवारको आर्थीक अवस्था कम्जोर रहेको विद्यार्थीहरु अध्ययन गर्ने हुदाँ लायन्सले गरेको सहयोग खेर नजाने बताए । साथै यस्तै कार्यक्रमहरु ल्याउन आग्रह समेत गरे ।
