दुलेगौंडा । जिल्लाको शुक्लागण्डकी नगरपालिका–२ हलेदीका स्थानीयहरुले वैशाख २९ गते भित्रै क्रसर हटाउने निर्णय गरेका छन् । लामो समयदेखि धुलोका कारण आजित बनेका यहाँका स्थिानीयहरुले क्रसर व्यवसायीको सम्झैता अवछि सक्किएको हुदाँ क्रसर उद्योग हटाउन निर्णय गरेका हुन् ।
गत फागुन २५ गते स्थानीयहरुको भेलाले हलेदी क्षेत्रमा संञ्चालित दुई ठुला क्रसर उद्योग हटाउने निर्णय गरेको थियो । महालक्ष्मी र क्वालिटी क्रसर उद्योगमा बाहीरबाट कच्चा पदार्थ ल्याउन नपाउने तर भित्र रहेका कच्चा पर्दाथ बाहिर लान पाउने व्यवस्था सहित वैशाख २९ मा ठाउँ खालि गर्न स्थानीयहरुले निर्णय गरेका थिए । साथै भेलाले क्रसर उद्योगीको अवस्था निगरानि गर्न संघर्ष समिति समेत गठन गरि उद्योग हटाउने कार्यमा लागि परेको थियो ।
स्थानीयले निर्णय गरे पनि क्रसर व्यवसायिले अटेर गरेर पटक पटक कच्चा पर्दाथ ल्याउन थाल्यो पछि स्थानीय पनि पटक पटक आन्दोलित बन्न थाले । गत चैत ६ गते क्वालिटी क्रसरले स्थानीयको निर्णयलाई व्यवस्था गरेर पुनः कच्चा पर्दाथ ल्याएपछि स्थानीयहरु आन्दोलित बन्दै उक्त कच्चा पर्दा सहित करिब २५ ट्रक रोकेर राखेका थिए । त्यसपछि अवस्था बिग्रदै गएपछि चैत ९ गते स्थानीयसंग बस्न नसक्ने भन्दै प्रतिनिधिमुलक तरीकाले क्वालीटी क्रसरका संञ्चालक देवबहादुर ज्वारचन गगनगौंडा स्थित पावर हाउसको एक होटलमा वार्त गर्न राजि भए । वर्ताको क्रममा क्रसर संञ्चालक ज्वारचनले आफुहरु हट्न तयार भएको तर तीन बर्ष समय चाहीने माग गरेको स्थानीय हरिलाल रिमालले बताए । ज्वारचनले मागे गरेको समय सिमित व्यक्तिले मात्र निर्णग गरेर नहुने भएपछि पुनः टोलको भेलाले निर्णय गर्ने भन्दै वार्ता टोलि फर्किएका थिए ।
वार्ताको क्रममा हट्छु पनि भन्ने तर नगरपालिका लगायत समबन्धीत ठाउँमा धाउने प्रवृत्ति क्रसर संञ्चालक ज्वारचनले प्रस्तुत गरेको रिमालले बताए । ‘हामी वार्तामा जादाँ, म हट्छु । स्थानीयहरुको निर्णयलाई मैले मान्न पनि पर्छ भनेर भन्नु भयो । यस्ता बाचा त हामीलाई पटक पटक गर्नुभयो । हामी संग हट्छु भन्दै नगरपालिका लगायतका सम्बन्धीत ठाउँमा जानु हुदो रहेछ । हामीलाई पनि तीन बर्षको समय माग्नु भयो । उहाँले मुखले जान्छु भन्ने तर व्यवहारले त्यस्तो देखाउनु भएन । यसले गर्दा हामीले पुन टोल भेला गरेर निर्णय गर्ने भन्दै त्यहाँबाट निस्कियौं’ स्थानीय रिमालले बताए । रिमालका अनुसार सोही ठाउँमा संञ्चालीत महालक्ष्मी क्रसर प्रा.लिले पनि दुई बर्षसम्मको समय माग गरेको छ ।
क्रसर संञ्चालकले माग गरेको समयावधिलाई हेरफेर गर्न आईतबार हलेदीमा पुनः भेला भयो । भेलामा सबैले आफ्नो राय प्रस्तुत गर्दै जादाँ पहिलेकै निर्णयलाई स्वीकार गर्नुपर्दछ भन्दै स्थानीयहरुले अडान लिए । भेलामा बोल्दै स्थानीय गणेश तामाङ ‘यस्तो कुरा त उनले कति गरे गरे । अहिले तीन बर्ष भन्ने र पछि फेरी सकिएन भन्दै समय थप गर्ने षडेन्त्र हो । हामी उनको कुरामा अल्झिएर मात्रै पनि हुदैन । राम्रोसंग काम गर्ने हो भने देबबहादुरलाई क्रसर हटाउन दुई महिना पनि धेरै हुन्छ । त्यसैले समय थप गर्नु हुदैन’ भन्दै अभिव्यक्ति दिए ।
भेलाकै क्रममा स्थानीय एक महिलाले तीन बर्ष होईन तीन महिना मात्रै समय थप गर्नुपर्ने बताईन् । ‘स्थानीयको कुरालाई उनले मान्नै पर्छ । उनको लागि तीन बर्ष होईन तीन महिना मात्र दिने हो समय । धेरै समय दिएर केही हुन्न । हामीले कति खाने होर र धुलो’ उनले प्रश्न गर्दै भनिन् । भेलामा कसैले ६ महिना, कसैले एक बर्ष, कसैले डेढ बर्ष, कसैले दुई बर्ष भन्दै समयावधिको बिषयमा छलफल भयो । करिब ३ घण्टा सम्मको छलफल पछि भेलाले आफुहरुले गरेको निर्णयबाट पछि नहट्ने भन्दै वैशाख २९ भित्रमै क्रसर उद्योग हटाउने निर्णय गरेको छ ।
