दुलेगौंडा । आर्थिक बर्ष २०७७/०७८ मा तनहुँ जिल्लाका १० स्थानीय तहका जनप्रतिनिधिहरुले १० करोड २४ लाख ६४ हजार ७१ रुपौयाँ सेवा सुविधा बापत रकम बुझिलिएका छन् । नगरका तथा गाउँपालिकाका प्रमुख, उप–प्रमुख, वडाध्यक्ष, कार्यपालिका सदस्य र सभाका सदस्यहरुले गण्डकी प्रदेश सरकार आन्तरिक मामिला तथा कानून मन्त्रालयले सम्बत् २०७७ सालको ऐन नं. ६ मा रहेको गाउँसभा, नगरसभा र जिल्ला समन्वय समितिका सदस्यले पाउने सुविधा सम्बन्धमा व्यवस्था गर्न बनेको ऐन अनुसार मासिक रकम बुझिलिने गर्दछन् ।
ऐन अनुसार नगरपालिकाको हकमा मेयरले ४० हजार ५ सय, उपमेयरले ३५ हजार, वडाध्यक्षले २६ हजार, कार्यपालिका सदस्यले २२ हजार र सभाका सदस्यले १३ हजार ५ सय रुपौयाँ सेवा सुविधा बापत रकम लिने गर्दछन् । भने गाउँपालिकाको हकमा अध्यक्षले ३६ हजार, उपाध्यक्षले ३१ हजार, वडाध्यक्षले २३ हजार, कार्यापालिका सदस्यले १९ हजार ५ सय र सभाका सदस्यले १२ हजार रुयौंया लिने गर्दछन् ।
आर्थिक बर्ष २०७७/०७८ शुक्लागण्डकी नगरपालिकाका जनप्रतिनिधिहरुले १ करोड ५० लाख ७२ हजार ५ सय ५० रुपौंया सेवा सुविधम बमपत रकम लिएका छन् । यस्तै, भिमाद नगरपालिकामा ९३ लाख ४ हजार ८ सय ४३ रुपौंया, व्यास नगरपालिकामा १ करोड ५७ लाख ९६ हजार रुपौंया, भानु नगरपालिकामा १ करोड ४ लाख ९१ हजार ८ सय, म्याग्दे गाउँपालिकामा ७० लाख १३ हजार ६ सय ७६, बन्दिपुर गाउँपालिकामा ७१ लाख ६४ हजार, रिसिङ गाउँपालिकामा ९२ लाख, घिरिङ गाउँपालिकामा १ करोड ५ लाख ९२ हजार, (आर्थिक बर्ष ०७६/७७ को पनि गरेर) देबघाट गाउँपालिकामा ५६ लाख २ हजार र आँबुखैरेनी गाउँपालिकामा ७७ लाख ४७ हजार ५ सय रुपौंया जनप्रतिनिधिहरुले सेवासुविधा बापत रकम लिने गर्दछन् ।
शुक्लागण्डकी नगरपालिकामा कस्ले कति लिन्छन् ?
आर्थिक बर्ष २०७७/०७८ मा शुक्लागण्डकी नगरपालिकाका जनप्रतिनिधिहरुले १ करोड ५० लाख ७२ हजार ५ सय ५० रुपौयाँ सेवा सुविधा बापत रकम बुझिलिएका छन् । ऐन नं. ६ अनुसार शुक्लागण्डकी नगरपालिकाका मेयर किसान गुरुङले सम्पूर्ण सेवा सुविधा सहित मासिक ४० हजार ५ सय रुपैयाँ लिने गर्दछन् । जसमा अतिथि सत्कार सुविधामा १२ हजार, अनुगमन सुविधामा ११ हजार ५ सय, समन्वय र सहजिकरणमा ७ हजार, पत्रपत्रिका ईन्टरनेट सुविधामा ५ हजार, टेलिफोन तथा मोबाइल रिर्चाज सुविधामा ५ हजार लगायत सवारी ईन्धन मासिक ९० लिटर र मोबिल त्रैमासिक ५ लिटर प्राप्त गर्दछन् ।
यसै गरि नगरकी उपप्रमुख सुविता रसाइलीले मासिक ३५ हजार रुपैयाँ सेवा सुविधा सहितको रकम प्राप्त गर्दछिन् । जसमा अतिथि सत्कार सुविधामा ८ हजार ५ सय, अनुगमन सुविधामा १२ हजार ५ सय, समन्वय र सहजिकरणमा ६ हजार, पत्रपत्रिका ईन्टरनेट सुविधामा ४ हजार, टेलिफोन तथा मोबाइल रिर्चाज सुविधामा ४ हजार लगायत सवारी ईन्धन मासिक ९० लिटर र मोबिल त्रैमासिक ५ लिटर प्राप्त गर्दछन् ।
शुक्लागण्डकी नगरपालिकामा १२ वटा वडाहरु रहेका छन् । प्रत्यक वडाका वडाध्यक्षले मासिक २६ हजार रुपैया प्राप्त गर्दछन् । उनिहरुले यातायात सुविधामा १ हजार ५ सय,अतिथि सत्कार सुविधामा ६ हजार, अनुगमन सुविधामा ६ हजार, समन्वय र सहजिकरणमा ४ हजार ५ सय, पत्रपत्रिका ईन्टरनेट सुविधामा ४ हजार, टेलिफोन तथा मोबाइल रिर्चाज सुविधामा ४ हजार लगायत सवारी ईन्धन मासिक १५ लिटर र मोबिल त्रैमासिक १ लिटर प्राप्त गर्दछन् । यो सुविधा प्राप्त गर्ने वडाध्यक्षहरुमा रविचन्द्र पौडेल, जगतबहादुर गुरुङ, रामकुमार श्रेष्ठ, शिबकुमार श्रेष्ठ, दीर्घबहादुर थापा, रामबहादुर थापा क्षेत्री, कृष्णप्रसाद रेग्मी, लोक नारायण श्रेष्ठ, रामचन्द्र भण्डारी, दलबहादुर थापा र मनराज गुरुङ रहेका छन् ।
शुक्लागण्डकी नगरपालिकामा कार्यपालिका सदस्यहरु २२ जना रहेका छन् । जसमा १२ जना वडाध्यक्ष, मेयर, उपमेयर र बाँकी ८ जना रहेका छन् । २२ जना सदस्य मध्य ८ जना कार्यपालिकाका सदस्यहरुले मासिक २२ हजार रुपैया प्राप्त गर्दछन् । सेवा सुविधा सहितको रकम प्राप्त गर्ने कार्यपालिका सदस्यमा खिम बहादुर कुमाल, भरत लामगादे, कुलबहादुर भुजेल, बिष्णु माया ढकाल, रिताकुमारी भुजेल, गिता महत, दानुमाया सापकोटा र सानुमाया महत रहेका छन् । यि मध्य खिमबहादुर कुमाल, भरत लाम्गादे र कुलबहादुर भुजेल मनोनित रहेका छन् भने बाँकी ५ जना वडा सदस्यहरुबाट मनोनित रहेका छन् ।
शुक्लागण्डकी नगरपालिकामा निर्वाचित भएर आएका वडा सदस्यहरु ४८ जना रहेका छन् । तिमध्य ५ जना कार्यपलिका सदस्य र दुई जना (दिव्यश्वरी वि.क र सरस्वति गौतम) जिल्ला समन्वय समिति तनहुँमा रहेका छन् । यि बाहेकका ४१ जना सभा सदस्य अर्थात वडा सदस्यहरुले मासिक १३ हजार ५ सय प्राप्त गर्दछन् ।
