दुलेगौंडा । शुक्लागण्डकी नगरपालिका-८ मा सम्पन्न भएको अठारौं तीज कप सेभेन ए साइड फुटबल प्रतियोगितामा क्याम्पस रोड भिमाद प्रथम भएको छ ।
तीजको दिन भएको फाईनल खेलमा भिमादले नमुना फुटबल क्लबलाई १(० गोलको अन्तरमा पराजित गरेको हो । खेलको सुरूवातमा नै भिमादका विमर्ष श्रेष्ठले गोल गरि क्लबलाई अग्रता दिएका थिए । त्यसपछि कुनै गोल हुन नसकेपछि श्रेष्ठको गोल नै भिमादलाई उपाधि दिलाउन निर्णायक गोल बन्यो ।
प्रतियोगिता विजेता भएको क्याम्पस रोड भिमादले नगद ७७ हजार ७७७ साथमा कप, मेडल र प्रमाण प्रत्र प्राप्त गर्ने छ भने उपविजेता बनेको नमुना फुटबल क्लबले ४४ हजार ४४४ साथमा कप, मेडल र प्रमाण पत्र प्राप्त गरेको छ ।
यसैगरि प्रतियोगितामा क्याम्पस रोड भिमादका युकेश गुरुङ सर्वाेत्कृष्ट खेलाडी, कमल श्रेष्ठ उत्ृकृट डिफेन्डर, मुननाईट युथ कलबका विशाल गुरुङ सर्वाधिक गोलकर्ता र उत्कृष्ट गोलरक्षक नमुना फुबल क्लबका रतन हिताङ भएका छन् ।
