दुलेगौंडा । तनहुँको शुक्लागण्डकी नगरपालिका–३ टपरगाउँमा साविक गाउँ तथा वडा स्तरीय पुरुष भलिबल प्रतियोगिता हुने भएको छ । एकिकृत युथ सर्कलको आयोजनामा प्रतियोगिता आयोजना गरिएको हो ।
स्थानीय स्तरमा रहेका खेलाडीको संरक्षण गर्दै राष्ट्रिय स्तरको खेलाडी उत्पादन गर्ने साथै गाउँको पनि प्रबद्धन गर्ने उद्देश्यले प्रतियोगिताको आयोजना गरिएको क्लबका अध्यक्ष दिपेन्द्र पौडेलले बताए ।
प्रतियोगितामा प्रथम हुनेले नगद ४० हजार साथमा कप मेडल र प्रमाण पत्र प्राप्त गर्ने छ । यसै गरि द्धितीय हुनेले नगद २५ हजार र तृतीय हुनेले १५ हजार साथमा कप, मेडल र प्रमाण पत्र प्राप्त गर्ने छन् । प्रतियोगितामा बेष्ट प्लेयर, बेष्ट स्पाईकर र बेष्ट ब्लकरलाई उचित पुरस्कारको व्यवस्था गरिएको अध्यक्ष पौडेलले बताए ।
प्रतियोगितामा टिम दर्ता शुक्ल ३,५०० तोकीएको छ । प्रतियोगीता चैत्र १८ गतेदेखि सुरु हुने आयोजकले जनाएको छ ।
