दुलेगौंडा । रोयल सहकारी संस्था लिमिटेड दुलेगौंडा-खैरेनीटारको कुल सम्पत्ति ८६ करोड ९ लाख ९९ हजार ४०८ रहेको छ । शनिबार सहकारीको २० औं बार्षिक साधारण सभाले उक्त आयव्यय सार्वजनिक गरेको हो ।
सहकारीले निक्षेप सङ्कलन ६६ करोड, २६ लाख, २ हजार ४२१ रहेको छ । जहाँ ६६ करोड ७२ लाख, ८ हजार ४८४ ऋण लगानी गरेको छ । सहकारीको कुल सेयर पुँजी १३ करोड, ८२ लाख, ६२ हजार ८०० रहेको छ भने जगेडा कोषमा ५ करोड, ४१ लाख, १६ हजार १९६ रूपैयाँ रहेको ।
सहकारीको साधारणसभालाई सम्बोधन गर्दै शुक्लागण्डकी नगरपालिकाका मेयर कृष्णराज पण्डितले रोयल सहकारी सबैको मनमा बस्न सफल सहकारी रहेको बताए । आफू पनि रोयल सहकारी संस्था भित्रको सदस्य रहेको हुदाँ संस्थालाई सशक्त ढंगले अगाडि बढाउने बताए । ञयो संस्थाको सदस्य म पनि रहेको नाताले यस संस्थालाई कमजोर हुन दिने छैन र कमजोर हुने पनि छैन् झ उनले भने । नगरपालिकाले जनताको सेवाको लागि सेवा प्रवाह केन्द्र संञ्चालन गरे जस्तै सहकारीले पनि सहकारीका सदस्यलाई सहज बनाउन सहकारीको सेवा सुविधा सबैको घरदैलोमा लैजान आवश्यक रहेको बताए ।
सञ्चालक समितिका उपाध्यक्ष डिलबहादुर श्रेष्ठको सभापतित्वमा सम्पन्न कार्यक्रममा शुक्लागण्डकी(४ का वडाध्यक्ष एवम् सहकारीका कोषाध्यक्ष राजकुमार वाग्ले, सहकारीका पूर्व प्रबन्धक तिर्थराज खनाल, सल्लाहकार सदस्य मोतिप्रसाद पौडेल, सहकारीका उपसमिति सदस्य कृष्णबहादुर आले, श्रीराम सुवेदी लगायत बोलेका थिए ।
साधारण सभाले असल कारोबारीका रूपमा सोम माया थापा मगर, भिमकुमारी गुरूङ, मञ्जु पुन र हुम कुमारी थापालाई सम्मान गरेको छ । हाल सहकारीमा ७ हजार १७३ सदस्य रहेको छ ।
