दुलेगौंडा। लियो क्लब अफ दुलेगौँडा–खैरेनी सिटीले संविधान दिवसको अवसरमा दिप प्रज्वलन गरेको छ । क्लबले सोमबार साँझ दुलेगौंडा स्थित हेल्थपोष्ट चोकमा दिप प्रज्वलन कार्यक्रम गरेको हो ।
नेपाली जनताले आफ्ना प्रतिनिधिद्वारा संविधान सभामार्फत निर्माण गरेको संविधानको स्मरण गर्दै दिप प्रज्वलन गरेको क्लबका अध्यक्ष सञ्जय घिमिरेले बताए । क्लबका अध्यक्ष घिमिरेको सभापतित्वमा सम्पन्न कार्यक्रममा लायन तीर्थराज खनाल लगायत क्लबका सदस्यहरु र स्थानीयहरुको उपस्थिती रहेको थियो । विसं २०७२ असोज ३ गते संविधान जारी भएको दिनको स्मरणमा हरेक वर्ष संविधान दिवस मनाइँदै आएको छ । यसपटक ८ औं संविधान दिवस मनाईएको हो ।
