पोखरा । पोखरा महानगरपालिकाको आयोजनामा हुन लागेको भेलामा सहभागी हुनका लागी काठमाडौंका मेयर बालेन साह र उपमेयर सुनिता डंगोल, लतितपुरका मेयर चिरिबाबु महर्जन र उपमेयर मञ्जली शाक्य, बिराटनगरका मेयर कोइराला नागेश कोइराला, भरतपुरका मेयर रेनु दाहाल र उपमेयर चित्रसेन अधिकारी तथा वीरगञ्जका उपमेयर इम्तियाज आलम पोखरा आइपुगेका छन् ।
नेपाल भरका ६ वटा महानगरपालिकाका मेयर र उपमेयरले सारङकोटमा दुई दिनसम्म विज्ञहरुसँग छलफल गर्ने कार्यक्रम अनुसार उनीहरु पोखरा आइपुगेका हुन् ।
सम्मेलनको पहिलो दिनको सूचीमा ६ वटै महानगरका प्रमुखलाई आ–आफ्ना महानगरका मुख्य योजना र कार्यान्वयनका चुनौतीका विषयमा दस मिनेट र प्रश्नोत्तरका लागि १५ मिनेट समय दिइयो। यस्तै उपप्रमुखलाई पनि ऐनले निर्दिष्ट गरेका जिम्मेवारीका सम्बन्धमा अनुभव तथा सिकाइ आदानप्रदान गर्न ब्यबस्था गरिएको थियो ।
सम्मेलनको दोस्रो दिनको कार्यक्रम अनुसार महानगरका पूर्वाधार विकास तथा सुशासनका विषयमा पूर्वाधारविद डा. सूर्यराज आचार्यले प्रस्तुति दिनेछन्। त्यस्तै महानगरका हरित उत्थानशील तथा समावेशी विकासका अपरिहार्यता, सम्भावना र चुनौतीका विषयमा सरोज बस्नेत र डा. अजयचन्द्र लालले र महानगरका साझा सवाल तथा आगामी कार्यदिशाका विषयमा पूर्व सचिव कृष्ण ज्ञवालीले सहजीकरण आयोजकले बताए ।
