दुलेगौंडा । सुर्य नेपाल प्रालि सेराटारको आर्थिक सहयोगमा एवंं ग्रिन रोड फोहर व्यवस्थापन प्रालि पोखराको प्राविधिक सहयोगमा तयार गरीएको प्लास्टिक रोडको शुक्रवार उद्घाटन गरिएको छ ।
शुक्लागण्डकी नगरपालिका वडा नं ७ सेराटारमा स्थानीय स्तरमा जम्मा गरिएको प्लास्टिकहरुलाई प्रयोग गरी सडकको निर्माण गरिएको हो । निर्माण सम्पन्न सडक ३३० मिटर लामो रहेको छ भने सडकको चौडाई ३.५ मिटर रहेको छ । सो कार्यका लागि २२० केजी प्लास्टिक प्रयोग भएको र उक्त प्लास्टिक सेराटारका स्थानीय वासिन्दा र केही नगरपालिकाको फोहरमैला फाल्ने स्थानबाट संकलन गरी ल्याईएको सुर्य नेपाल प्रा.लि सेराटारका हुमनाथ अर्यालले वताउनु भयो । सडक निर्माणमा यससी प्रयोग भएको प्लास्टिकले २० प्रतिशत अलकत्रको प्रयोग घटाएको हो । पुन प्रयोग नहुने उक्त प्लास्टिकलाई सफा गरि आवश्यक तापक्रममा राखेर अलकत्र संग मिसाएर प्रयोग गरिएको हो । २२ लाख खर्मामा निर्माण सम्पन्न भएको उक्त कालोपत्रे सडकको लागी तयारी स्वरूप केहि महिना अघि सुर्य नेपाल प्रा.लि. को सहयोगमा प्लास्टिक जम्मा गर्न तालिम गराई स्थानीय बासिन्दालाई प्लास्टिक जम्मा गर्न लगाईएको थियो । सडकमा प्लास्टिक प्रयोग भएपछी पानीले सडक चाडो नविग्रने र अलकत्रको प्रयोग कम हुने र आयात घट्ने समेत व्यवस्थापन केन्द्रका प्राविधिक विमल वास्तोला वताउनुभयो । सडक सबै संरचना निर्माणका लागि सुर्य नेपालको ४९ र नगरपालिकाको ३ लाख लगानी रहेको छ ।
सडकको उद्घाटन गर्दै शुक्लागण्डकी नगरपालिका नगर प्रमुख कृष्णराज पण्डितले यस प्रकारको नबिन प्रयोगले खेर जाने फोहोरको ब्यबस्थापन हुनुको साथै फोहोर मैला ब्यबस्थापनमा सहजीकरण हुने भन्दै सुर्य नेपाल प्रा.लि. को सहयोग प्रति आभार ब्यक्त गर्नु भएको थियो । कार्यक्रममा बोल्दै नगर उप प्रमुख खुम बहादुर बिकले एस्तो किसिमको प्रबिधि भित्र्याउन सके अलकत्रको पर्योग घट्नुको साथै सडकको स्तर वृद्धि समेत हुने समेत बताउनु भयो । साथै उहाँले निजि क्षेत्रलाई स्थानीय बिकास निर्माणमा साझेदारी गर्नका लागी समेत आग्रह गर्नु भयो ।
