पोखरा । युवा पुस्ताको अगाडी लोकप्रिय रहेका चर्चित र्यापर लाहुरे अर्थात् आशिष रानाले ‘बिरामी’ बोलको र्याप गीत सार्वजनिक गरेका छन्।
लाहुरेले आफ्नै शब्द र संगित रहेको र्याप गीत मंगलबार काठमाडौंमा एक कार्यक्रम गर्दै सार्वजनिक गरेका हुन् । भिडियोमा लागुऔषधमा फसेका लाहुरेकै कथालाई देखाइएको छ। जहाँ लागुऔषधमा फस्ने व्यक्तिलाई बिरामीको नाम दिएको छ ।
रोहित शाक्यको संगीत तथा निर्देशन रहेको भिडियोमा उत्तम राई, लाहुरे, सुभम बोहोरा र सुजित, सञ्जित लगायतको अभिनय रहेको छ । मन्जित लामा र रेवत श्रेष्ठले छायांकन र रोहित शाक्यले भिडियोको सम्पादन गरेका छन् ।
गीत सार्वजनिक गर्दै लाहुरेले आफ्नै भोगाइलाई गीतमा प्रस्तुत गरेको बताए। ‘यो गीतबाट भाइरल हुने सोचेको पनि छैन। म आफै लागुऔषधमा फसेको मान्छे भएको कारण मैले भोगेको घटनाहरूलाई गीतमार्फत प्रस्तुत गरेको छु’ उनले भने।
