बन्दीपुर, ‘पहाडकी रानी’ नामले परिचत बन्दीपुर आन्तरिक तथा बाह्य पर्यटकको मुख्य गन्तव्य स्थान हो । यो समुन्द्री सतहदेखी १०५० मिटर उचाईमा रहेको छ । कलात्मक झ्याल–ढोकायुक्त भएका घरहरू, बन्दीपुरको शिरमा रहेको थानिमाई मन्दिर र यहाँको प्राकृतिक सुन्दरता नै पर्यटकको आकर्षण बिन्दु बनेको छ । द
सैँ तिहार जस्ता चाडपर्व पछि पर्यटकीय क्षेत्रमा आन्तरिक तथा बाह्य पर्यटकको संख्या निकै बढ्ने हुन्छ । तर, अन्य समयमा भने पर्यटकी क्षेत्र सुनसान जस्तै हुन्छ । तनहुँको चिनारीको रुपमा रहेको बन्दीपुरमा भने हरेक दिन पर्यटकहरुको चहलपहल समान जस्तै रहेको यहाँका स्थानीय बताउछन् । चितवनदेखि सामुहीक रुपमा बन्दीपुर घुम्न आएका बालनन्द कडेललाई यहाँको प्राकृतिक वातावरण र स्थानीयहरुको स्वागत ध्यान खिचेको बताए । ‘भौगोलिक हिसाबले हेर्दा यो अत्यन्तै राम्रो लाग्यो । यहाँको समुदायमा पनि त्यस्तै खालको उर्जा देखियो । हामीलाई खुसी पनि लाग्यो’, उनले भने, ‘म यस अघि पनि यस ठाउँमा आएको थिए । त्यसैले मलाई यो ठाउँ मन परेको हो र पुनः आए पनि ।’ काठमाण्डौदेखि बन्दीपुर घुम्न आएकी लालकुमारी दरैले बन्दीपुरको बसाई अविस्मरणीय रहेको बताईन् । उनका अनुसार बन्दीपुरको शिरमा रहेका थानिमाईको मन्दिर चड्दा जिउँदो बाघ मारेर ल्याए जस्तो अनुभुति गरेको सुनाईन् । ‘यहाँको वातावरण असाध्धै राम्रो लाग्यो । साथै यहाँको बसाई, यहाँको दिदी बहीनि बोलिचालि सबै कुरा राम्रो लाग्यो ।
बन्दीपुरको शिरमा रहेको थानिमाई मन्दिरमा म कहीले पुग्न सक्थे र । आज पुगे । जिउदो बाघ मारेर ल्याय जस्तो भुनुभव भयो’ उनि खुसी हुदै प्रतिक्रिया दिईन् । कोरोना महामारीको प्रभाव कम भएपछि बन्दीपुरमा पर्यटकको चहलपहल बढेको बन्दीपुर सामुदायिक होमस्टेकी अध्यक्ष दिलकुमारी रानाले बताईन् । उनका अनुसार आन्तरिक साथ साथै बाह्य पर्यटको पनि संख्या दिनानुदिन बढेको प्रतिक्रिया दिईन । ‘आन्तरिक पर्यटक त त्यसै नि आउनुभएको हो । अहिले बिस्तारै बजारमा बाह्य पर्यटकहरु पनि देखिन थाल्नु भएको छ । एकदिन बस्ने पाहुन अर्काे दिन पनि यहाँ बस्न पाए हुन्थ्यो भन्ने प्रतिक्रिया दिनुहुन्छ । घर जान नचाहाने साथै अझै बस्ने रहर पुगेन भन्ने कुरा गर्नुहुन्छ’ उनले भनिन् । पर्यटकीय समय नभए पनि बन्दीपुरमा पयटकको चहलपहल क्रमश बढिरहेको स्थानीय कृष्ण थापाले जानकारी दिईन । ‘कात्तिक पछिको पर्यटकीय समयमा यहाँका हरेक होटल, होमस्टे भरीभराउ हुन्छ । वैशाख, जेठ पर्यटकहरुका लागि अनुकुल समय नरहे पनि बन्दीपुरमा पर्यटकहरुको चहलपहल भने समान नै रहन्छ । कहिले काँही त सिजन जस्तै पर्यटकहरु बन्दीपुरमा देखा पर्दछन्’ उनले भनिन् ।
