दुलेगौंडा- शुक्लागण्डकी नगरपालिकाले कृषक सूचीकरण गर्ने भएको छ । सोमबार शुक्लागण्डकी नगरपालिकाले जारी गरेको सुचना अनुसार कृषक सूचीकरण गरिने नगरपालिकाले बतायो ।
शुक्लागण्डकी नगरपालिकामाले “किसान सूचीकरण कार्यक्रम” संचालन गर्ने निर्णय आज गरेको छ। “किसान सूचीकरण कार्यक्रम” अन्तर्गत यस आर्थिक वर्षमा वडा नं १०,११ र १२ का किसानहरुलाई सूचीकरण गरिनेछ l अन्य वडाहरुमा आगामी आर्थीक बर्षमा यो कार्यक्रम संचालनमा आउनेछ l “किसान सूचीकरण कार्यक्रम” अन्तर्गत बास्तविक किसानहरुको सूचीकरण गरि अनुदान लगायतका सुबिधाहरु बास्तविक किसानहरु लाई दिने ब्यबस्था मिलाउने नगर उप प्रमुख खुम बहादुर बिक राजुले बताए ।
उप प्रमुख बिकका अनुसार कृषि पेसालाई सम्मानजनक पेसाको रुपमा स्थापित गर्दै युवाहरुलाई आधुनिक तथा ब्यबसायिक कृषिमा जोडिनेछ साथै शुक्लागण्डकी नगरपालिकालाई कृषि उत्पादनमा आत्मनिर्भर नगरपालिका बनाउँन यस कार्यक्रमले प्रमुख भूमिका खेल्ने बिश्वास गरेको उनले बताए ।
साथै उक्त कार्यका लागी नगरपालिकाले आजै एक सूचना जारी गरि १५ जना तथ्यांक संकलनहरु माग गरेको छ ।
