दुलेगौँडा–स्थानीय तहको निर्वाचनमा निर्वाचित जनप्रतिनिधिले कार्यभार सम्हाल्न थालेका छन् । जिल्लाको शुक्लागण्डकी नगरपालिकाको विभिन्न वडा कार्यालयमा सोमबारदेखी नव निर्वाचित जनप्रतिनिधिले कार्यभार सम्हाल्न सुरु गरेका छन् ।
शुक्लागण्डकी नगरपालिका–४ दुलेगौंडामा सोमबार बिहान एक कार्यक्रमका गर्दै वडाका संस्थापक जनप्रतिनिधिले अबको पाँच बर्षको लागि नव निर्वाचित जनप्रतिनिधिलाई कार्यभार सुम्पेका छन् । कार्यभार हस्तानतरण गर्दै निवर्तमान वडाध्यक्ष शिवकुमार श्रेष्ठले जनप्रतिनिधि जनताको सेवक भएर जनताको मर्म बुझेर काम गर्नुपर्ने बताए । काम गर्दै जादा अवरोध सिर्जना हुन सक्ने भएकाले अवरोध छिचोल्दै अगाडी बढ्नुपर्ने सुझाव दिए ।
शुक्लागण्डकी नगरपालिका–४ का वडाध्यक्ष राजकुमार वाग्ले (राजु)ले वडाले सर्वप्रथम बजारको फोहोर व्यवस्थापन गर्ने बताए । ‘फोहोर मैला व्यवस्थापन गर्न भोलिदेखी नै भाडामै भएपनि ट्याक्टर लिएर बजारको फोहोर व्यवस्थापन गर्ने कबुल गर्छु’ उनले भने । उनले भेदभाव रहित काम गर्ने बताए ।
शुक्लागण्डकी नगरपालिका–२ मा पनि जनप्रतिनिधिले कार्यभार सम्हालेका छन् । वडाध्यक्ष सुमनबहादुर राना मगरले आफ्नी आमालाई आसन ग्रहण गराउदैँ आफुले पदभार ग्रहण गरेका छन् । पदभार ग्रहण गर्दै सुत्ेकरी हुन नसकेर विपतमा परेका महिला र दुर्घटनामा परि विरामी भएकालाई अस्पताल सम्म लैजान निशुल्क एम्बुलेन्स व्यवस्था मिलाउने बताए ।
शुक्लागण्डकी नगरपालिका–६ का वडाध्यक्ष बुद्धिबहादुर थापा नेतृत्वको समुहले पनि सोमबार नै कार्यभार सम्हालेका छन् । निर्वाचित वडाध्यक्ष थापाले पहिलो कार्य ग्रामिण क्षेत्रको बालबालिकाको शिक्षकलाई जोड दिने बताए ।
शुक्लागण्डकी–७ का निर्वाचित जनप्रतिनिधिले पनि कार्यभार सम्हालेका छन् । वडाका संस्थापक जनप्रतिनिधिले नव निर्वाचित जनप्रतिनिधिलाई कार्यभार सुम्पिएका हुन् । कार्यक्रममा बोल्दै निर्वाचित वडाध्यक्ष खड्गसिं थापाले गरिब जनतालाई निशुल्क स्वास्थ्य विमा गरिदिने घोषण गरे । अव्यवस्थित बसोवासिको समस्या समाधान गर्न संस्थापक जनप्रतिनिधिले अगाडी बढाएका कामलाई निरन्तरता दिने उनको भनाई छ ।
शुक्लागण्डकी नगरपालिका–३ मा सचिन भुजेल, वडा नम्बर ५ मा दीर्घबहादुर थापा, वडा नम्बर ९ मा धनबहादुर थापा, वडा नम्बर १० मा राजेन्द्र भट्टराई क्षेत्री र वडा नम्बर ११ मा शालिकराम भट्टराई नेतृत्वको जनप्रतिनिधिले पनि कार्यभार सम्हालेका छन् ।
