दुलेगौंडा । स्थानीय तह निर्वाचन आउन ५ दिन मात्रै बाँकी छ । विभिन्न राजनीतिक दलहरु यतिबेला चुनाव प्रचार प्रसार र घरदैलो कार्यमा व्यस्त रहेका छन् । शुक्लागण्डकीमा पनि पछिल्लो समय राजनीतिक सरगर्मी बढेको छ । यस बिच ठूला राजनीतिक पार्टीहरुले चुनाव प्रचार प्रसार गर्दा आचरसंहिताको उलङ्घन गरेको साना रजनीतिक दलका प्रनितनिधिले गुनासो गरेका छन् । आईतबार नगरपालिका भएको सर्वदलीय बैठकमा साना राजनीतिक दलका प्रतिनिधिहरुले ठुला राजनीतिक दलबाट आचारसंहिता उलङ्घन गरेको आरोप लगाएका थिए ।
सर्वदलिय बैठकमा बोल्दै जनता समाजवादी पार्टी प्रतिनिधि देउनारायण श्रेष्ठले ठुला राजनीतिक दलले आचारसंहिता उलङ्घन गरेको आरोप लगाए । ‘निर्वाचन आचरसंहितामा सिमित सवारी साधन प्रयोग गर्ने, सार्वजनिक ठाउँमा राजनीतिक दलका झण्डा राख्न नपाउने, ३०० मिटर दुरी आसपासमा चुनाव प्रचारप्रसार गर्न नपाउने लगाउतका थुप्रै कुराहरु उल्लेख गरेको छ । तर ठुला राजनीतिक दलका नेताहरुले आचारसंहिता उल्लङ्घन गरि चुनाव प्रचार प्रसार गर्नुभएको छ । म सबैलाई हात जोरी बिन्ति गर्दछु आचारसंहिता उल्लङ्घन नगरिदिनुस्’ उनले भने ।
यसै गरि कार्यक्रममै बोल्दै समुन्नत लोकतान्त्रीक पार्टीबाट मेयर पदका उम्मेद्वार रहेका जगदिस काफ्लेले पनि ठुला दलका नेताहरुलाई आचारसंहिता पालना गरि सुध्रन अनुरोध गरे । बैठकमा बोल्दै भने ‘तपाई ठुलादल भन्नेहरुबाटै निर्वाचन आचारसंहिता उल्लङ्घन भएको छ । तपाईहरु सुध्रनु पर्दछ ।’
सर्वदलीय बैठकलाई सम्बोधन गर्दै शुक्लागण्डकी नगरपालिकाका निर्वाचन अधिकृत शरिता राईमाजीले पनि नगरपालिकामा आचार संहिता उल्लङ्घन गरेको सुचनाहरु ध्ेरै आउने गरेको बताईन । उनका अनुसार आचारसंहिता उल्लङ्घन गरेको खबर प्राप्त हुनासाथ नेपाल प्रहरीको सहयोगमा उक्त कार्यलाई रोक लगाईएको छ । ‘तपाईहरु आफैले नगरपालिका र आफ्नो ठाउँको विकास गर्ने भनेर आउनुभएको छ । यहाँहरु ऋाफै जिम्मेवार भईदिनुभयो भने यो समस्या र गुनासोहरु आउदै आउदैन ।’ उनले भनिन् ।
कार्यक्रममै बोल्दै ईलाका प्रहरी कार्यालय बेलचौतारका प्रहरी प्रमुख भोजराज पाण्डेले पनि ¥यालीको क्रममा धेरैले आचारसंहिता र ट्राफिक नियमको उल्लङ्घन गरेको बताए । ‘निर्वाचनको यो समयमा ¥याली गर्न बाईक चलाएर सहभागि हुनेहरुले जहाँ प्रहरी र आम सर्वसाधरण छन् त्याही हर्न बजाउने, आवाज बढी निकाल्ने गर्नुभएको छ । यसरी कसैले पनि भोट दिदैनन् । साथै ¥यालीमा हिड्ने अधिकांशले हेल्मेटको समेत प्रयोग गर्नुभएको छैन् । तपाई सम्पूर्ण राजनीतिक दलका प्रतिनिधिहरुलाई म यही अनुरोध गर्दछु । आचारसंहिता पालना गर्नुस्’ उनले भने ।
आज भएको सर्वदलिय बैठकमा सवारी पासको व्यवस्था, आचारसंहिता पालना गर्न, राजनीतिक दलका प्रतिनिधिलाई प्रतिबद्धता पत्रमा हस्ताक्षर गर्न र मौन अवधिमा चुनावी प्रचार प्रसारलाई रोक गर्ने बिषयमा छलफल भएको थियो । जहाँ नगरप्रमुखले र उप्रमुखले एउटा चारपाङ्ग्रे हलुका सवारी नगरभरी र वडाका प्रतिनिधिहरुले दुईपाङ्ग्रे सवारीको पास पाउने भएका छन् । अपाङ्ग नागरिकको हकमा निर्वाचन अधिकृतको कार्यालय शुक्लागण्डकीले २८ गते भित्र कसरी मतदान केन्द्रसम्म पु¥याएर मतदान गर्ने वातावरण तयार गर्ने भन्ने विषयमा निर्णय गर्ने बताएको छ ।
