दुलेगौँडा । नेकपा माओवादी केन्द्र शुक्लागण्डकी नगर कमिटीकोे अध्यक्षमा मनराज गुरुङ निर्वाचित भएका छन् । आज (बिहीबार) दुलेगौँडामा भएको मतदानबाट कुल ६३ मतदातामा ३९ मत ल्याएर गुरुङ विजयी भएका हुन् । उनका प्रत्यासी शरण सापकोटाले २४ मत प्राप्त गरेका थिए ।
त्यस्तै, उपाध्यक्षमा राजु राना विजयी भएका छन् । उपाध्यक्ष पदमा चार जनाको उम्मेदवारी परेको थियो । जसमा रानाले ५४ मत ल्याएर निर्वाचित भए भने उपाध्यक्षका अन्य प्रत्यासी रामचन्द्र भण्डारी र चेतनारायण पौडेलले समान ४७ मत र बुद्धिबहादुर खत्री राजन ले २६ पाएका थिए ।
पहिलो चरणमा गत मंसिर ११ गते ६५ सदस्यको टुँगो लगाएको नगर कमिटीले झण्डै दुई महिनापछि पदाधिकारीको टुङ्गो लगाएको हो । पार्टीको निर्देशन अनुसार सकेसम्म पदाधिकारी सर्वसम्मत छनौट गर्न भनिए पनि अध्यक्ष र उपाध्यक्ष पदमा दुई पक्षको दावेदारी देखिएपछि सर्वसम्मत गराउन अधिवेशन लम्ब्याइएको थियो । सहमतिका लागि अन्तिम प्रयास पनि सफल नभएपछि निर्वाचन मार्फत पदाधिकारी टङ्गो लगाइएको नगर कमिटी सदस्य तथा वाइसियल शुक्लागण्डकीका सचिव नारायण पोख्रेलले जानकारी दिए ।
नगर कमिटीको सचिवमा जीवन पोखरेल र सहसचिवमा सुमन आले सर्वसम्मत भए । त्यस्तै, कोषाध्यक्षमा पनि झ्यामकुमारी थापा सर्वसम्मत चयन भइन् ।