कोत्रे । तनहुँको शुक्लागण्डकी नगरपालिका–२ हलेदीमा आज (आईतबार) देखी माघे संक्रान्ति कप सेभेन ए साईड नकआउट फुटबल प्रतियोगिता सुरु भएको छ । शिलादेवी युवा क्लब माघे संक्रान्ति पर्वको अवसर पारी प्रतियोगिताको आयोजना गरको हो ।
प्रतियोगिताको उद्घाटन खेलमा आयोजक शिलादेवी युवा क्बल ‘ए’ विजयी भएको छ । प्रतियोगितामा शुक्लागण्डकी ११ लाई २–१ गेलको अन्तरले जित हासिल गर्दै आयोजक दोस्रो चरणमा प्रवेश गरेको हो । प्रतियोगितामा शिलादेवी युवा क्लबका अजय राईले पहिलो हाफमा १ र दोस्रो हाफमा १ गरि दुई गोल गरेका थिए भने शुक्लागण्डकी ११ का टिम क्याप्टेन कृष्ण थापाले एक गोल गरेका थिए । यसै गरी आजै भएको दोस्रो खेलमा एक्लेखेत मिलननसार युथ क्लबले शिलादेवी ‘बि’ लाई पेनाल्टी सुटआउटमा पराजित गरेको छ । एक्लेखेत मिलनसार युथ क्लबले २–१ गोल अन्तरले विजयी भएको हो ।
यसअगाडी प्रतियोगिताको उद्घाटन गर्दै शुक्लागण्डकी नगरपालिका–२ का वडाध्यक्ष जगतबहादुर गुरुङले खेलकुदमा अनुशासनको जरुरत रहेको बताए । उनले खेलाडी देशका गहना रहेको हुदाँ वडाले पनि प्रतियोगिता आयोजन गर्ने ठाउँमा वडामार्फत सहयोग गर्दै आएको बताए । क्लबका अध्यक्ष संजोग घलेको सभापतित्वमा सम्पन्न भएको कार्यक्रममा माओवादी केन्द्र शुक्लागण्डकी–२ का अध्यक्ष शंकर पन्त, एकिकृत समाजवादी शुक्लागण्डकी–२ का अध्यक्ष ओमबहादुर थापा,वाईसिएलका केन्द्रिय सदस्य शरण सापकोटा, शिला प्रा.विका विव्यस अध्यक्ष टिकाराम रिमाल लगायतले शुभकामना मन्तव्य दिएका थिए ।
प्रतियोगिताको विजेताले नगद ५५ हजार ५ सय ५५ रुपैयाँ पाउनेछ । दोस्रो हुनेले नगद ३३ हजार ३ सय ३३ रुपौयाँको साथमा कप, मेडल र प्रमाणपत्र पाउने आयोजकले जनाएको छ । प्रतियोगितामा २० समुहले सहभागिता जनाएका छन् । उत्कृष्ट खेलाडी, सर्वाधिक गोलकर्ता, उत्कृष्ट गोलरक्षक, योङ्ग ट्यालेन्ट, फेयर प्ले टिम, ईमर्जिङ्ग प्लेयर, बेष्ट फरवार्ड, बेष्ट डिफेन्डरलाई पनि पुरस्कृत गरिनेछ ।
