दुलेगौंडा । नेकपा एमाले पोलिटिवयूरो सदस्य महेश बस्नेतले नेपाली कांग्रेसलाई कमिसन खाने पार्टीको संज्ञा दिएका छन् । आईतबार राष्ट्रिय युवा संघ नेपाल शुक्लागण्डकी नगर कमिटीकोे प्रथम नगर अधिवेशनलाई सम्बोधन गर्दै बस्नेतले उक्त बक्तव्य दिएका हुन् ।
उनले नेपालमा दलालि, पुजिवादीहरुको संरक्षण गर्ने पार्टी नेपाली कांग्रेस रहेको बताए । उनका अनुसार अबको निर्वाचनमा यस्ता पार्टीलाई पाखा लगाएर नेकपा एमाले प्रमुख दलको रुपमा स्थापित हुने दाबी गरे । ‘आगामी निर्वाचनमा धेरै दलहरु रहने छैन्न । नेकपा एमाले प्रमुख दलको रुपमा रहने छ’, उनले भने ।
वर्तमान सरकार स्वार्थ केन्द्रित रहेको हुदाँ समृद्ध नेपाल र सुखी नेपालीको यो चाहाना पुरा गराउन नसकेको बताए । उनका अनुसार जनताको सपना पुरा गराउनका लागि पुनः केपि ओलि नेतृत्वको सरकार आउनुपर्ने छ । ‘समृद्ध नेपाल र सुखी नेपाली निर्माण गर्ने कुरा एउटा रजनीतिक दल, एउटा नेताको लागि धेरै कठिन कुरा हो । तर यो नेकपा एमाले र केपि ओलि बाहेक अरुले गर्न सक्दैन भन्ने कुरा हामीले पटक पटक प्रमाणित गरेका छौं । समृद्ध नेपाल र सुखी नेपालीको यो चाहाना जुन ढंगले अधुरो बनाउन खोजिदै छ, त्यसलाई पुरा गर्ने संकल्प अब हामी युवाले लिन आवश्यक छ’ पोलिटिवयूरो सदस्य बस्नेतले भने ।
अहिले देशमा भईरहेको गठबन्धनको सरकारले सत्ताको दुरुपयोग गरेको बस्नेतले आरोप लगाए । ‘यो गठबन्धन स्वार्थीहरु एकठाउमा मिलेर बनाईएको गठबन्धन हो । यो गठबन्धन काले काले मिलेर खाउँ भाले भनेर बनाईएको गठबन्धन हो । यो गठबन्धनभित्र कुनै सैदान्तिक, बैचारिक, राजनैतिक विषय वस्तु छैन् । यो गठबन्ध भित्र सत्ताको दुरुपयोग गर्ने, भ्रष्टचार र दुशासनलाई प्राथमिकता दिने मुख्य लक्ष्य छ ।’
भ्रष्टचारको संस्थागत सुरुवात गर्ने तत्व कांग्रेस हो : राष्ट्रिय युवा संघ नेपालका अध्यक्ष पौडेल
राष्ट्रिय युवा संघ नेपालका अध्यक्ष किरण पौडेलले भ्रष्ट्रचारको संस्थागत सुरुवा गर्ने पार्टीको रुपमा नेपाली कांग्रेसलाई रहेको बताएका छन् । आईतबार भएको सोही कार्यक्रमलाई सम्बोधन गर्दै कांग्रेस सत्तामा रहदाँ भ्रष्टचार मौलाएको बताए । कांग्रेसले देशमा भएका उद्योग कलकारखाना बन्द गराएर देशमा बेरोजगारी जनशक्तिको उत्पादन गरेको बताए ।
युवा संघका अध्यक्ष पौडेलले कांग्रेस महाधिवेशनबाट आएका युवा नेताहरुलाई गफाडी नेताको संज्ञा दिएका छन् । महाधिवेशनपछि नेतृत्वमा आएका गगन थापा र विश्वप्रकाश शर्माले काम गर्नु भन्दा पनि ओलिको बढी आलोचना गरेको हुदाँ यिनिहरुले देश विकासमा काम गर्न नसक्ने बताए । ‘महाधिवेशनबाट नेतृत्वमा आएका गगन थापा र विश्वप्रकाश शर्मा नयाँ भिजन दिन नसक्ने तर अरुको आलोचना मात्र गर्ने नेता हुन । यिनिहरुले समाजमा भ्रम फैलाउने काम मात्र गरे’ उनले भने ।
युवा विद्रोहका बन्दुक मात्र होईन सिर्जनाका संवाहक हुन : प्रदेशका साँसद राजिव पहारी
राष्ट्रिय युवा संघ नेपालका पुर्व अध्यक्ष एवं गण्डकी प्रदेशका साँसद राजिव पहारीले युवाहरु विद्रोहका बन्दुक मात्र नभई सिर्जनाका संवाहक पनि रहेको बताएका छन् । उनले अधिवेशनलाई नै सम्बोधन गर्दै युवाहरु मिलेर देशमा परिर्वतनका निम्ति अगाडी बढ्नुपर्नेमा जोड दिए । अबको आम निर्वाचनमा कांग्रेसलाई डाँडाको टुप्पोबाट निहालेर हेर्दा पनि नदेखिने वडा देखी पालिकासम्म एमाले एकछत्र बनाउने कार्यमा युवाहरु ऋगाडी बढ्नुपर्ने कुरालाई जोड दिए । पहारीले गठबन्धन सरकार भएको अनुभुति नै नभएको बताए । उनले भने–‘यो सरकार छ र । कान छ, सुन्दैन, नाक छ सुघ्दैन, मुख छ बोल्दैन ।’ आफुहरु बेरोजगार हटाउँदै सुशासन कायम गरी समृद्ध मुलुक बनाउन चाहेको उनले बताए ।
