दुलेगौंडा । नेपालभित्रका विभिन्न विद्यालयमा अध्ययन गर्ने बालबालिकालाई विद्यालयमै मोडना खोप लगाईएको छ । विद्यालयमा अध्ययन गर्ने १२ देखि १७ वर्ष उमेरसम्मका बालबालिकालाई उक्त खोप लगाईएको हो । जसअन्र्तगत तनहुँको शुक्लागण्डकी नगरमा हिजो र आजमा ४ हजार ७ सय ७४ जना विद्यार्थीलाई यस खोप प्रदान गरिएको स्वास्थ्य शाखा प्रमुख अजयकुमार श्रीबास्तवले जानकारी दिए।
श्रीवास्तवका अनुसार नगर भरीका २ हजार ३ सय ९ जान बालिका र २ हजार ४ सय ५५ जना बालकलाई यस खोप लगाईएको छ । नगर भित्र १९ वटा विद्यालयमा खोप केन्द्र स्थापना गरि खोप प्रदान गरिएको बताए ।
सरकारले ५७ जिल्लाका १२ देखि १७ वर्ष उमेरसम्मका बालबालिकाका लागि पुस ४ गतेदेखि १४ गतेसम्म पहिलो मात्रा र माघ २ गतेदेखि १२ गतेसम्म दोस्रो मात्रा मोडना खोप अभियान सञ्चालन गरिरहेको छ । खोपहरू पूर्ण रूपमा सुरक्षित रहेकाले निर्धक्क भई बालबालिकालाई खोप लगाउन सरकारले आग्रह गरेको छ ।
