आखिर दुखी परेँ’ बोलको लोक दोहोरी गीत डिजिटल स्टार युट्युब च्यानलमार्फत बजारमा आएको छ । चर्चित सर्जक दिपक अधिकारीको शब्द सिर्जना रहेको उत्त गितमा, प्रवेश पौडेलको लय संकलन, पार्वती जिसी र सुरज आचार्यको आवाज समावेश छ । तारानाथ आचार्यको एरेन्ज रहेको उक्त गीतबारे जानकारी दिँदै गीतकार दिपक अधिकारीले भिडियो उत्कृष्ट बनेको र यसमा हरि कँडेल र केशव कँडेलको महत्वपूर्ण भूमिका रहेको बताए ।
विदेशी भूमिमा रहँदै आएका लोकगीत प्रेमी हरि कँडेलको पहिलो प्रस्तुतिको रुपमा रहेको उक्त भिडियोको निर्देशन पत्रकार एवं लोक गायक सन्तोष सुवेदीले गरेका हुन् । गितको मर्म अनुरुप भिडियोलाई उत्कृष्ट बनाएको सुवेदीले बताएका छन । सुन्दरनगरी पोखरामा छायांकन गरिएको उक्त भिडियोमा हरि कँडेल, सरिता दानकुटी, केशव कँडेल, सुमन बसौलालगायतको अभिनय रहेको छ ।
