दमौली, नेपाली कांग्रेसको १४ औ महाधिबेशन अन्तर्गत शनिबार तनहुँको जिल्ला अधिबेशनमा बाट सभापतिमा जित प्रकाश बिजयी भएका छन् ।
जिल्ला भर कुल १८१६ मतदाता रहेकोमा जम्म्मा १७८३ मत खसेको थियो । सभापतिमा बिजयी जित प्रकाश आलेलाई ९५१ मत प्राप्त भएको थियो भने अर्का सभापतिका प्रत्यासी बैकुण्ठ न्यौपानेलाई ७८३ मत प्राप्त भएको छ ।
राति ९ बजे पदाधिकारीको मतगणना सम्पन्न भएकोमा उप सभापतिमा आले प्यानलका राजेन्द्रकृष्ण श्रेष्ठले ९०७ मत प्राप्त गरेर बिजयी भए भने देउ कुमार श्रेष्ठले ७७६ मत प्राप्त गरेर बिजयी भए ।
सचिबमा आले प्यानलका लक्ष्मीभक्त खनालले सर्वाधिक १०२० मत प्राप्त गरी बिजयी भए भने सहदेब अधिकारीले ८१२ मत प्राप्त गरी बिजयी भए ।
सह सचिबमा भने न्यौपाने प्यानलका मिलन आलेले ९२० मत र आले प्यानलका परमेश्वर भट्टराईले ८५९ मत प्राप्त गरी बिजयी भएका छन् । अन्य सदस्य तथा प्रतिनिधिको लागी भएको मतदानको मतगणना भने जारी नै रहेको छ ।
