दुलेगौंडा । तनहुँको शुक्लागण्डकी नगरपालिका–३, दुरुचुङमा आज विहान विजुलीको करेण्ट लागेर एक युवकको मृत्यु भएको छ । मृत्यु हुनेमा सोही ठाउँका २७ बर्षिय चित्रबहादुर राना मगर रहेका छन् ।
विहानी पख मोबाइल चार्जमा राखेर चलाइरहेको अवस्थामा अचनाक विद्युतको हाइभोल्टेज आउँदा करेण्ट लागेर युवकको मृत्यु भएको हो । विहान करिब ४ बजेतिर घटना भएता पनि साढे सात बजेतिर मात्र गाउँले तथा घर परिवारले थाहा पाएका थिए । उक्त घटना पश्चात स्थानीयले तत्काल उपचारका लागि जि.पि कोइराला राष्ट्रिय श्वासप्रश्वास उपचार केन्द्र झरौटामा ल्याएका थिए । मगरको अवस्था चेकजाँच गरेपछि चिकित्सकले मृत घोषणा गरेको थियो ।
ग्रामिण विद्युतीकरण कार्यालयको लापरबाहीको कारण रानाले अकालमा ज्यान गुमाउनु परेको भन्दै पीडित पक्षले क्षतिपुर्तिको माग गर्दै शव उठाएका छैनन् । पीडित पक्षले क्षतिपुर्ति बापत ५० लाख माग गरेका छन् भने समितिले साढे ११ लाख दिने बताएको छ । समितिको उक्त प्रस्तावमा पीडित पक्ष मञ्जुर भएका छैनन् । सामुदायिक ग्रामिण विद्युतीकरण दुलेगौँडा अध्यक्ष रामचन्द्र खनाल जिल्ला बाहिर रहेको र अर्का संचालक देवलाल खनालसंग सामान्य छलफल भएपनि निष्कर्षमा पुग्न नसकेका छैनन् ।
छलफलमा सहभागि रहेका सुमन आलेले ग्रामिण विद्युतीकरणको लापरबाहीका कारण घटना घटेको बताएका छन् । ‘नयाँगाउँ दुरुङचुङ प्रसारण लाइनको स्याङ्दी खोलामा फ्युज नहालीकन सोझै लाइन जोडिदिदाँ यो घट्ना भएको हो । यसअघि पनि पटक पटक फोन गरेर विद्युत लाइन व्यवस्थित गर्न अनुरोध गर्दा पनि कुनै वास्ता गरिएन । पहिला पनि गाउँमा करेण्ट लागेर गोर म¥यो, अपहले यस्तो दुखःद घट्ना भयो ।’ उनले भने ।
यसै गरि दुरुचुङमै बत्ति झिमिकझिम भएपछि स्वीच अफ गर्न जाँदा मृतकका काका दलबहादुर राना र २४ बर्षिया गर्भवती महिला सोममाया थापा मगर पनि घाईते भएका छन् । उनीहरुको जिपि कोइराला अस्पतालमा उपचार भइरहेको छ । घाइते दुवै जना सामान्य अवस्थामा छन् ।
