दुलेगौंडा । शुक्लागण्डकी नगरपालिका-९ मालेवगरमा साताैं शिवरात्री कप सेभेन ए साइड फुटबल प्रतियाेगिता सुरू भएको छ । `सेवा नै धर्म हाे´भन्ने नाराका साथ नवप्रभात युवा क्लबले फुटबल प्रतियोगिता सुरू भएको हो ।
कार्यक्रममा बोल्दै शुक्लागण्डकी-९ का वडाध्यक्ष धनबहादुर थापाले युवाहरूलाई दुर्व्यसनिबाट टाढा राख्नका लागि खेलकुदले महत्त्वपूर्ण भूमिका निर्वाह गर्ने बताए । साथै उनले युवाहरूबिच आपसी सम्बन्ध विस्तार गर्नका लागि पनि खेलकुद कार्यक्रमले सहयोग पुर्याउने उनको भनाइ छ ।
प्रतियोगिताको उद्घाटन खेलमा साथी इन्टिच्यूटले आयोजक नभप्रभात (सि) लाई पराजित गरेको छ । प्रतियोगिताको पहिलो हाफमा साथी इन्टिच्यूटले २-० गाेल अन्तर कायम गरेको थियो । दोस्रो हाफमा थप गोो नहुँदा साथी इन्टिच्यूटले २-० गोलले जित हासिल गरेको थियो ।
प्रतियोगिता प्रथम हुनेले नगद ८० हजार साथमा शिल्ड, मेडल र प्रमाणपत्र प्राप्त गर्ने छ भने उपविजेता हुनेले नगद ५० हजार साथमा शिल्ड, मेडल र प्रमाणपत्र प्राप्त गर्ने छ ।
क्लबका अध्यक्ष सन्तोष थापाको सभापतित्वमा सम्पन्न कार्यक्रम वडा सदस्य कमल थापा, तालवेसी माविका पूर्व विव्यस अध्यक्ष विनाेद रावत, भ्याली युवा क्लबका अध्यक्ष शुवास शाही, समाजसेवी खड्का बा क्षेत्री, संस्थाका संरक्षक नरेन्द्र राज वाग्ले लगायत बोलेका थिए भने कार्यक्रमको सञ्चालन सचिव सुर्य सापकोटाले गरेका थिए ।
