दुलेगौंडा । शुक्लागण्डकी जेसिजले जेसिज सप्ताहकाे अवसरमा ट्राफिक सचेतना साथै रोड डिभाइडर हस्तान्तरण गरिएको छ ।
सडककाे विस्तारसंगै दुर्घटनाकाे जाेखिम बढेकाे हुदाँ चालकलाई सचेत गराउनुका साथै ट्राफिक प्रहरीलाई राेड डिभाइडर हस्तान्तरण गरिएको जेसिजका अध्यक्ष प्रकाश विकले बताए । उनका अनुसार मेडिप्लस हस्पिटल एण्ड ट्रमा सेन्टरकाे सहयाेगमा राेड डिभाइडर वितरण गरिएको हाे ।
कार्यक्रममा बाेल्दै शुक्लागण्डकी नगरपालिका-५ का वडाध्यक्ष दिर्घबहादुर थापाले जेसिजले व्यक्तित्व विकास संगै सामाजिक विकासमा पनि सक्रिय रहेको बताए । राेड डिभाइडरकाे अभावमा सडकामा दुर्घटना जाेखिम बढेकाे बताउदै थापाले राेड डिभाइडर हस्तान्तरण कार्यक्रमले आगामी दिमाग जाेखिम न्यूनीकरणमा टेवा पुग्ने बताए ।
जेसिजका अध्यक्ष विककाे सभापतित्वमा सम्पन्न कार्यक्रम मेडिप्लस हस्पिटलका शेयर सदस्य माधव भट्टराई, इलाका प्रहरी कार्यालय बेलचौताराका प्रहरी निरीक्षक धन नारायण श्रेष्ठ, जेसिजका पूर्व अध्यक्ष सुजन श्रेष्ठ तथा मदन श्रेष्ठ लगायतको उपस्थित रहेको थियाे । कार्यक्रममा कोषाध्यक्ष भिष्म श्रेष्ठले स्वागत मन्तव्य गरेका थिए भने कार्यक्रम सञ्चालन महासचिव सुशिल थापा भुजेलले गरेका थिए ।
