दुलेगौंडा । तालवेसी माविमा हुने भनिएको सातौ राष्ट्रपति रनिङ शिल्ड प्रतियोगिताको स्थल परिवर्तनप्रति तालवेसी माविले दुख व्यक्त गरेको छ ।
कार्तिक १४ गते शुक्लागण्डकी नगरपालिकाको शिक्षा शाखाले सामुदायिक विद्यालयको प्रअको बैठकमा सातौं राट्रपति रनिङ शिल्ड प्रतियोेगिता कहाँ गर्ने भन्ने प्रस्ताव राख्यो । उक्त प्रस्तावमा छलफल गर्दा तालवेसीमा गर्न सबै विद्यालयका प्रअले तालि बजाएर सर्वसम्मत पारित गरे । तर, अहिले नगरपालिकाले सुरक्षाको विषयलाई देखाउदै नेपाल पुलिस स्कुललाई रनिङ शिल्ड प्रतियोगिताको स्थल तोकेको छ । यस विषयमा असन्तुष्ट जनाउदै तालवेसी माविका प्रअ धु्रव वाग्लेले सामुदायिक विद्यालयका प्रअहरुले सर्वसम्मत पारित गरेको निर्णयलाई वेवस्था गरेको आरोप लगाएका छन् । नगरपालिकाले आगामी दिनमा यस्ता निर्णयहरुमा सहकार्य, पारदर्शीता र सामुदायिक विद्यालयको सम्मान कायम हुने किसिमले गर्न सुझाव दिएका छन् ।
शुक्लागण्डकी नगरपालिकाका शिक्षा शाखा प्रमुख नवराज चापागाईंले सामुदायिक विद्यालयको बैठकमा सुभाव लिएको तर निर्णय नगरेको बताए । स्थानको सुरक्षा, पूर्वाधार निर्माण, यातायातको सहजतालाई मध्यनजर गर्दै रनिङ शिल्ड व्यवस्थापन समितिले नेपाल पुलिस स्कुलमा गर्ने निर्णय गरेको बताए ।
शुक्लागण्डकी नगरपालिका स्तरीय सातौ राष्ट्रपति रनिङ शिल्ड प्रतियोगिता यही कार्तिक २८, २९ र ३० गते नेपाल पुलिस स्कुलमा हुने भएको छ । यसअघिको रनिङ शिल्ड प्रतियोगिताको उपाधि पञ्चमुनिदेव माध्यमिक विद्यालयले हात पारेको थियो ।
