दुलेगौंडा । शुक्लागण्डकी नगरपालिकाले बजारका पसलहरुले मापदण्ड भन्दा बाहिर व्यापारीक सामग्री राखे कारबाही गर्ने जनाएको छ । बिहीबार नगरपालिकाले एक सूचना जारी गर्दै आफ्नो व्यवसायिक परिधिमानै रहेर व्यवसाय नगरे कारबाही गर्ने जनाएकोे हो ।
अव्यवस्थित तवरले पसल बाहिर सामान राख्दा सवारी आवगमन साथै पैदल यात्रीलाई समेत बाधा पुगेको हुदाँ यस्तो कार्य रोक्न पहिलो चरणमा सूचना प्रवाह गरिएको नगरपालिकाका निमित्त कार्यकारी अधिकृत नवराज चापागाईले बताए ।
नगरको बजार क्षेत्रमा अव्यवस्थित रुपमा मालसामान राख्ने, ठेलागाडा राख्ने, घुम्ति व्यवसाय सञ्चालन गर्नेलाई कारबाही गरीने प्रशासन शाखा प्रमुख युवराज पौडेलले बताए । नगरपालिकाले ‘शुक्लागण्डकी नगरपालिकाको बजार निर्देशिका–२०७५’ बमोजिम बजार क्षेत्र अनुगमन गर्दै आएको हुदाँ नियम उल्लङ्घन गर्नेलाई सोही बमोजिम कारबाही हुने बताए ।
