दुलेगौंडा । तनहुँ सेवा समाज युएईले आयोजना गरेको चौथो तनहुँ भलिबल कपको उपाधि आयोजकले हात पारेको छ । आयोजकले फाइनल खेलमा कोटाकोट भलिबल क्लबलाई २–१ सेट अन्तरले पराजित गर्दै उपाधि रक्षा गरेको हो । जितसंगै आयोजकले नगद ५ हजार ५ सय युएई दिरामका साथमा ट्रफी, मेडल र प्रमाणपत्र प्राप्त गरेको छ ।
यसैगरी प्रतियोगिताको उपविजेता कोटकोट भलिबल क्लबले नगद ३ हजार ५ सय युएई दिराम साथमा ट्रफी, मेडल र प्रमाणपत्र हात परेको थियो। यसैगरी प्रातियोगितामा प्रदेशि हातेमालो (निलो) र एभरेस्ट कर्णालीले एक हजार दिराम साथमा कप, मेडल र प्रमाणपत्र हात परेको छ।
प्रतियोगितामा तनहुँ सेवा समाज युएईका मिलन चन्द ठकुरी बेस्ट प्लेयर, अमन गाहा बेस्ट ब्लकर, गम्भीर गुरुङ बेस्ट सेटर, प्रदेशि हातेमालोका मिलन कुमाल बेस्ट सर्भिर, कोटाकोट भलिबल स्याङ्जाका पेसल कुमार बेस्ट स्पाईकर, उमेश गर्वुजा मगर बेष्ट लिब्रो, रुकेश छिडेल बेस्ट कुईकर भएका छन् भने बेष्ट कोच सन्तोष गुरुङ घोषित भएका छन् ।
