दुलेगौंडा । तनहुँकाे शुक्लागण्डकी नगरपालिका-८ गणपतिमा सम्पन्न १९ ओैं संस्करणकाे तीजकप सेभेन ए साइड फुटबल प्रतियोगिताकाे उपाधि जनसेवा स्पाेर्टस् क्लबले हात पारेको छ ।
शुक्रबार भएको फाइनल खेलमा आयाेजक जनसेवाले नर्सरी युवा क्लबलाई ४-० गाेल अन्तरले पराजित गर्दै उपाधि चुमेकाे हाे ।
जितसंगै आयाेजक जनसेवाले नगद ८८ हजार ८८८ साथमा शिल्ड मेडल र प्रमाणपत्र प्राप्त गरेको छ भने उपविजेता नर्सरी युवा क्लबले ४४ हजार ४४४ साथमा शिल्ड मेडल र प्रमाण पत्र प्राप्त गरेको छ ।
विजेता खेलाडीलाई गण्डकी प्रदेश सभा सदस्य श्यामराजा महत, शुक्लागण्डकी नगरपालिकाका उपप्रमुख खुमबहादुर विक (राजु), शुक्लागण्डकी-८ का वडाध्यक्ष नारायण सिं थापा, वडा नं. ९ का वडाध्यक्ष बाबुराम पुलामी मगरले सम्मान गरेका थिए ।
