दुलेगौंडा । तनहुँकाे शुक्लागण्डकी नगरपालिका-८ गणपतिमा जारी १९ ओैं संस्करणकाे तीजकप सेभेन ए साइड फुटबल प्रतियोगिताकाे फाइनलमा जनसेवा स्पाेर्टस् क्लब र नर्सरी युवा क्लब आमने सामने हुने छन् ।
प्रतियोगिताकाे पहिलो सेमिफाइनलमा नर्सरी युवा क्लबले जनसेवा स्पाेर्टस् क्लब `वाई´ लाई १-० गाेल अन्तरले पराजित गर्दै फाइनलमा प्रवेश गरेको हाे ।
यसैगरि दाेस्राे सेमिफाइनल खेलमा आयाेजक जनसेवा स्पाेर्टस् क्लबले विनाेद मेमोरियल भण्डारीढिकलाई पेनाल्टी सुटआउटमा पराजित गर्दै फाइनलमा प्रवेश गरेको छ । जहाँ आयाेजकले ३-२ गाेल अन्तरले जित हासिल गरेको थियाे ।
प्रतियोगिता प्रथम हुनेले नगद ८८ हजार ८८८ र द्धितीय हुनेले ४४ हजार ४४४ रूपैयाँ साथमा शिल्ड मेडल र प्रमाण पत्र प्राप्त गर्ने छ । साथै प्रतियोगितामा उत्कृष्ट खेलाडी, उत्कृष्ट गाेलरक्षक, उत्कृष्ट डिफेन्डर र उदयमान खेलाडीलाई विशेष पुरस्कारको व्यवस्था गरिएको छ ।
प्रतियोगिताकाे फाइनल खेल तीजकाे दिन अर्थात भदाै २१ गते गाउँफर्काेदय माध्यमिक विद्यालयकाे खेल मैदानमा वेलुकी ३:३० बजे सुरू हुने आयाेजकले जनाएको छ ।
