दुलेगौंडा । तनहुँकाे शुक्लागण्डकी नगरपालिका-८ गणपतिमा १९ ओैं संस्करणकाे तीजकप सेभेन ए साइड फुटबल प्रतियोगिता हुने भएको छ ।
नेपाली नारीहरूकाे महान पर्व हरितालिका तीजकाे अवसर पारेर जनसेवा स्पाेर्ट्स क्लबले उक्त प्रतियोगिता आयाेजना गरेको हाे । स्थानीय स्तरमा रहेका खेलाडी संरक्षण गर्दै राष्ट्रिय स्तरका खेलाडी उत्पादन गर्ने लक्ष्यले कार्यक्रम आयाेजना गरिएको क्लबका सदस्य धिरज केसीले बताए ।
प्रतियोगिता प्रथम हुनेले नगद ८८ हजार ८८८ र द्धितीय हुनेले ४४ हजार ४४४ रूपैयाँ साथमा शिल्ड मेडल र प्रमाण पत्र प्राप्त गर्ने छ । साथै प्रतियोगितामा उत्कृष्ट खेलाडी, उत्कृष्ट गाेलरक्षक, उत्कृष्ट डिफेन्डर र उदयमान खेलाडीलाई विशेष पुरस्कारको व्यवस्था गरिएको छ ।
प्रतियोगिता १५ गतेदेखि २१ गतेसम्म सञ्चालन हुने हाे । प्रतियोगिता गाउँ फर्काेदय माध्यमिक विद्यालयकाे खेलमैदान हुने छ । प्रतियोगिता टिम दर्ता शुल्क ६ हजार ५ सय निर्धारण गरिएको छ ।
