दुलेगौंडा । शुक्लागण्डकी नगरपालिकाको १५ औं नगर सभा सुरु भएको छ । अधिवेशनमार्फत आर्थिक बर्ष २०८१/०८२ को नीति तथा कार्यक्रम, प्रस्तावित आयव्यय, विनियोजन विधयक र आर्थिक विधयक सभामा पेश गरिएको छ ।
सभामा नगर उपप्रमुख खुमबहादुर विकले नीति तथा कार्यक्रमसभामा पेश गरेका हुन् ।
कार्यक्रममा नगर प्रमुखले १ अर्ब १२ करोड ३९ लाख ९ हजार बराबरको प्रस्तावित आयव्यय विवरण पेश गरेका छन् । यस बर्षको बजेट विनियोजनमा शिक्षालाई प्राथमिकतामा राखिएको छ ।
बजेटकाे प्राथमिकताहरू:
- आफ्नै जग्गाधनी प्रमाण पूर्जा भएका संघ संस्थाहरूलाई मात्र भवन निर्माणको लागि बजेट व्यवस्था गर्ने नीति लिइने छ ।
- योजनाको गुणस्तर कायम गर्न भौतिक पूर्वाधार निर्माणका कार्यमा प्रशोधित निर्माण समाग्री मात्र प्रयोग गरिने नीति अवलम्बन गरिने ।
- शुक्लागण्डकी नगरपालिका मातहतका सार्वजनिक पद धारण गरेका व्यक्ति, जनप्रतिनिधि, कर्मचारी र शिक्षकहरूका छोराछोरी तथा सन्ततिलाई अनिवार्य सामुदायिक विद्यालयमा भर्ना गर्नुपर्ने नीति अवलम्बन गरिने ।
- नगरपालिकाभित्र बस्ने आर्थिक, सामाजिक, शारीरिक वा मानसिक रुपमा असहाय अति विपन्न ५०० परिवारको लागि निशुल्क स्वास्थ्य बीमा कार्यक्रममार्फत कमजोर आय भएका नागरिकलाई गुणस्तरीय स्वास्थ्य सेवामा सहज एवम सुलभ रुपमा पहुच अभिबृद्धि गरिनेछ । सो को लागि कार्यविधी तथा मापदण्ड तयार गरिने ।
- आयुर्वेद उपचार सेवालाई नगरको सबै क्षेत्रमा पुर्याउनका लागि “नागरिक आरोग्य एवं उपचार सेवा” कार्यक्रम सञ्चालन गरिनेछ । साथै दिर्घ एवं नसर्ने रोगहरूको कारण नागरिकमा आर्थिक, सामाजिक तथा पारिवरिक जटिलता थपिदै गएको वर्तमान परिस्थितिलाई दृष्टिगत गर्दै नागरिक आरोग्य केन्द्रको स्थापना गरी नगरपालिकाको स्वास्थ्य पर्यटनको रूपमा टेवा पुग्ने विकास गरिने ।
- कृषि उत्पादनको सहज ढुवानी बजारीकरणको लागि कृषि एम्बुलेन्स संचालनमा ल्याइने । नगरपालिकाद्वारा निर्माण गरिएको कृषि उपज संकलन केन्द्र र, चिस्यान केन्द्रलाई थप व्यवस्थित गरी संचालन गरिने ।
- उत्पादनमा आधारित प्रोत्साहन कार्यक्रम सञ्चालन मार्फत दुग्ध उत्पादन वृद्धि गर्न दुग्ध उत्पादन प्रवर्द्धन कार्यक्रम सञ्चालाई निरन्तरता दिईने।
- शुक्लागण्डकी नगरपालिका, मातहतका कार्यालयहरू, विद्यालयहरू र अन्य संघ संस्थाहरूको औपचारिक कार्यक्रममा खादा, मायाको चिनो लगायतका अनावश्यक खर्च एवम् भड्कीलो संस्कृतिलाई निरुत्साहित गरिने ।
कार्यक्रमको वृस्तित विवरण : Shuklagandaki niti karyakram 208182
