दुलेगौंडा । तनहुँकाे शुक्लागण्डकी-५ मा रहेकाे ज्ञान बगैंचा इङलिस बोर्डिङ स्कुलले एसइइ कप आयाेजना गर्ने भएको छ ।
एसइइ दिएर बसेका विद्यार्थीकाे खेल काैशल वृद्धि गरि सिर्जनात्मक सीपको विकास गर्न प्रतियोगिता आयाेजना गर्न लागेकाे विद्यालयका प्रधानाध्यापक सुरेश पाैडेलले बताए । अहिले विद्यार्थीहरू एसइइ दिएपछि घरमा नै माेबाइलमा व्यस्त रहने र साथीहरूसंग भेटघाट कम गर्ने हुदाँ साथीहरूबिच सम्बन्ध स्थापना गर्न पनि प्रतियोगिताले सहयोग पुर्याउने बताए ।
प्रतियोगितामा प्रथम हुनेले नगद १५ हजार र द्धितीय हुनेले नगद १० हजार साथमा ट्रफी, मेडल र प्रमाणपत्र प्राप्त गर्ने विद्यालयका सहायक प्रधानाध्यापक विनोद पौडेलले बताए । साथै उत्कृष्ट खेलाडी ,उत्कृष्ट गाेलरक्षकलाई आकर्षक पुरस्कार व्यवस्था रहेको छ ।
प्रतियोगितामा टिम दर्ता शुल्क नि:शुल्क रहेकाे छ । प्रतियोगिता असार १ र २ गते एडिएसएल फुटसल मैदानमा हुनेछ ।
