दुलेगौंडा । समाजमा हुने अपराध न्यूनीकरण गर्नका लागि प्रहरी, जनप्रतिनिधी, राजनीति दलका प्रतिनिधि र समाजसेवीबिच अन्तरक्रिया कार्यक्रम सम्पन्न भएको छ । शुक्रबार शुक्लागण्डकी नगरपालिकाकाकाे सभा हलमा ईलाका प्रहरी कार्यालयले अपराध न्यूनीकरणकाका बारेमा जानकारी गराएकाे हाे ।
अन्तरक्रिया कार्यक्रममा बाेल्दै ईलाका प्रहरी कार्यालय बेलचाैताराका प्रमुख गणेश सुवेदीले अपराध जान-अञ्जान दुबै तरिकाले हुने हुदाँ कानुनकाे नजरमन अञ्जानमा भएको अपराधमा पनि सजाय हुने बताए । `कानुन विपरीतका हरेक कार्य अपराध हाे । चाहे त्याे जानेर हाेस या अञ्जानमा´ उनले भने । चाडपर्वकाे समयमा प्राय चाेरीकाे घटना बढ्ने हुदा आम नागरिक आफै सचेत हुन आवश्यक रहेको उनकाे भनाइ छ ।
अन्तरक्रिया कार्यक्रम अपराध के हाे? के कारणले अपराध हुन्छ ?, अपराध गरे के कस्ता सजाय हुन्छ ?, अपराध हुन नदिन के गर्नुपर्छ जस्ता विषयमा अन्तरक्रिया भएको थियाे ।
जिल्ला प्रहरी कार्यालय तनहुँकाे आयाेजना, ईलाका प्रहरी कार्यालय बेलचाैतारकाे समन्वय र नगरपालिकाकाे सहकार्यमा भएको अन्तरक्रिया कार्यक्रममा नगरका उपप्रमुख खुमबहादुर विक (राजु), प्रमुख प्रशासकीय अधिकृत रामचन्द्र लामगादे लगायत जनप्रतिनिधि, राजनीतिक दलका प्रतिनिधि र समाजसेवीकाे उपस्थिति रहेको थियाे ।
