दुलेगौंडा । सामाजिक कार्यमा सक्रिय रहेको लायन्स क्लब अफ शुक्लागण्डकीले पद हस्तान्तरण कार्यक्रम गरेको छ । आईतवार दुलेगौंडामा एक कार्यक्रमका बिच सुमन सापकोटा अध्यक्षकाे टिमले निर्वाचन खुम राईको अध्यक्षकाे टिमलाई पद हस्तान्तरण गरेको हाे ।
कार्यक्रममा बाेल्दै बर्ष २०२३/०२४ का अध्यक्ष खुम राईले समाजको विकासमा लागि आफुहरूले निरन्तर अग्रसर भएर अगाडि बढ्ने बताए । उनले आफ्नो कार्यकालमा प्रहरीसंग समन्वय गरेर लागू ओैषध दुर्वयसनी विरूद्धकाे कार्यक्रम, बालबालिकाकाे नेतृत्व विकासका लागि वक्तृत्वकला प्रतियोगिता, विद्यालयका विद्यार्थीका लागि शैक्षिक सामग्री तथा पाेषाक वितरण लगायतका कार्यक्रम गर्ने बताए ।
रिजन चियर पर्सन एवम् क्लबकाे २०२३/२४ का सिनियर एड्भाईजर मीनबहादुर लामिछानेले सुनम सापकोटाकाे टिमले उत्कृष्ट कार्यक्रम गरेको बताए । बर्षभरिमा विभिन्न रचनात्मक कार्यक्रम गर्नुका साथै रक्तदान कार्यक्रममा टिमले राष्ट्रिय रेकर्ड बनाएकाले क्लबकाे शिर उच्च बनाएको बताए ।
क्लबका २०२३/२४ का अध्यक्ष सुमन सापकोटाकाे सभापतित्वमा सम्पन्न कार्यक्रममा शुक्लागण्डकी नगरपालिका-६ का वडाध्यक्ष एम जे एफ लायन्स बुद्धिबहादुर थापा, संस्था अध्यक्ष तिर्थराज खनाल, लायन्सक्लबका फडिन्द्र पाैडेल, सुरेन्द्र पाैडेल लगायतको उपस्थिति रहेको थियाे ।
