दुुलेगौंडा– सिरमुर राइफल्स (५/८ जी आर) को ८४ औं स्थापना दिवस खैरेनीटारमा सम्पन्न भएको छ । शनिबार लाङ्घाली मगर समाज भवनमा सिरमुुर भूपु परिवारका सदस्यहरु भेला भएर हर्षाेल्लासका साथ स्थापना दिवस मनाएका हुन् ।
कार्यक्रममा बोल्दै प्रमुख अतिथि सुवेदार रनबहादुर थापाले भुपुहरूकाे नेतृत्व र व्यक्तित्व र देश विकासमा पनि यस संगठन तदारुकताका साथ लागि पर्नुपर्ने बताए ।
सिरमुर भूपु परिवारका अध्यक्ष हनेरी सुवेदार रामबहादुर थापाले विगतमा आफ्नो सेवा कालमा प्राप्त ज्ञान सीप र अनुभवलाई स्वदेशमा नै खर्च गर्न आवश्यक रहेको बताए । साथै आफ्नाे संस्थाले दुखी, गरिब र असाहायकाे घाउमा मलमपट्टी गर्न सधै लागि पर्ने प्रतिबद्धता व्यक्त गरे ।
संस्थाका अध्यक्ष थापाकाे सभापतित्वमा सम्पन्न कार्यक्रममा उपाध्यक्ष हनेरी सुवेदार मनिराज आलेले स्वागत मन्तव्य व्यक्त गरेका थिए भने कार्यक्रमको सञ्चालन संस्थाका सचिव गोपाल श्रेष्ठले गरेका थिए । स्थापना दिवसकाे अवसरमा भूपु परिवारले विभिन्न क्षेत्रमा सफल भएकालाई स्वागतसँगै सम्मान पनि गरेको थियो ।
