दुलेगौंडा । शुक्लागण्डकी नगरपालिकाले नागरिकका सुझाव तथा गुनासोहरूलाई सहज, छरितो र प्रविधिमैत्री ढंगबाट संकलन तथा व्यवस्थापन गर्ने उद्देश्यले सुझाव तथा गुनासो एप सञ्चालन गरेको छ । शुक्रबार नगरपालिकाले सूचना जारी गर्दै क्युआर सहित एपको बारेमा जानकारी गराएको हो ।
मोबाइल एप्लिकेशनमार्फत नगरवासीहरूले आफ्नो टोल/समुदायमा देखिएका समस्या, गुनासा तथा विकास सम्बन्धी सुझावहरू सिधै अनलाइन प्रणालीमार्फत पेश गर्न सक्ने प्रमुख प्रशासकीय अधिकृत शिशिर पौडेलले बताए । उनका अनुसार प्राप्त गुनासो तथा सुझावहरूलाई सम्बन्धित शाखामार्फत आवश्यक प्रक्रिया पूरा गरी समयमै सम्बोधन गरिने व्यवस्था मिलाइने छ ।
App प्रयोग गर्दा अपनाउनुपर्ने प्रक्रियाहरु :
१. दिईएको QR Code Scan गर्नुहोस अथवा तपाईको मोबाईलको कुनै Browser मा गएर https://shuklaapp.info/ टाईप गर्नुहोस ।
२. सामान्य सुझाव वा गुनासो हो भने Continue as Guest मा गएर सुझाव र गुनासो खोली Open Ticket Anonymously मा Click गर्नुहोस र आफुलाई लागेका सुझाव तथा गुनासो लेखी create बटन थिच्नुहोस ।
३. सुझावको विषयमा भए गरेका सम्पूर्ण विषयमा जानकारी लिनुपर्ने भएमा Create a new account मा गई आवश्यक विवरण भरेर Create account मा Click गर्नुहोस र पुन Log in गरी तपाईलाई लागेका सुझाव तथा गुनासो लेखी Submit गर्नुहोस। (यो प्रक्रियामा तपाईंको आधिकारीक ईमेल ठेगाना तथा सम्पर्क नं. अनिवार्य आवश्यक छ ।)
