दुलेगौंडा । लियाे क्लब अफ दुलेगौंडा खैरेनीटार मन्त्रले आयाेजना गरेको पाँचौ संस्करणको लियो मिनि म्याराथनको उपाधि पुरूषतर्फ सनम गुरूङ र महिलातर्फ मनकुमारी लामाले हात पारेका छन् ।
दुलेगौंडा स्थित नगरपालिका गेटदेखि वन्केवासम्मकाे ६ किलोमिटर दुरी पुरूषतर्फ गुरूङ २६ मिनेटमा पार गर्दै प्रथम भएका हुन् । यसैगरी गोरखा अजिरकोटका सविन सापकोटा २७ मिनेट १५ सेकेन्डमा निर्धारित दूरी पार गर्दै द्वितीय भएका थिए भने ऋषिङका अमित विश्वकर्मा २७ मिनेट ३० सेकेन्डमा दौड सकाएर तृतीय भएका छन् । प्रतियोगितामा प्रथम, द्वितीय र तृतीय हुनेले क्रमशः १० हजार, ६ हजार र ३ हजार साथमा मेडल र प्रमाणपत्र प्राप्त गरेका छन् ।
यसैगरी महिलातर्फ लामाले विजेता हुँदा, साधाना सेवा दोस्रो र सञ्जिता बिक तेस्रो भइन । उनीहरुले क्रमशः ३ हजार, १ हजार र ५ सय रुपैयाँ प्रदान गरिएको छ ।
महिलातर्फकाे दाैडमा प्रथम भएकी मनकुमारी लामा नगद ३ हजार, द्वितीय भएकी साधाना सेवाले नगद १ हजार र तृतीय भएकी सञ्जिता बिकले नगद ५ सय साथमा मेडल र प्रमाणपत्र प्राप्त गरेका थिए ।
क्लबका अध्यक्ष प्रमिला सिग्देलकाे सभापतित्वमा सम्पन्न कार्यक्रममा शुक्लागण्डकी नगरपालिकाका नगरप्रमुख कृष्णराज पण्डित, उपप्रमुख खुमबहादुर विक, वडा नम्बर ३ का वडाध्यक्ष सचिन भुजेल लगायतले विजेतालाई बधाई साथमा पुरस्कार वितरण गरेका थिए ।
